為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 07 月 12 日

舌尖上的享受 蔡昊

中國人民以食為天,喜愛到處覓食,餐館開到成行成市,要突圍,靠的是實力。

開業僅七個月的中菜館「好酒好蔡」創辦人蔡昊(Howard),近年紅遍飲食、娛樂版,皆因名人如劉嘉玲、鍾楚紅、陳奕迅⋯⋯連「萬人迷」碧咸,都是他的捧場客。

既是大廚,又是威士忌品鑒專家的他,早在中國享負盛名,去年初次進軍香港,即引起迴響,但他卻大歎,於中國做廚師,地位跟勞工無分別。

「外國廚師係以藝術家嘅標準嚟睇,係文化界嘅人,給予食材第二次生命;反而我哋中國,廚師就係勞工,形象就好似一個工匠或工人咁,兩者差太遠,我想透過『好酒好蔡』嘅平台,話畀人知中國菜嘅地位都可以好高!」

舌尖上的,不只味蕾的享受,還需要大眾認受,才是給實力者的最佳回報。

位於中環建設銀行五樓的「好酒好蔡」,由上海灘創辦人鄧永鏘設計,「呢度客人嘅重複性好高,好多都特登由外國飛嚟食,客人要過嚟食嘢,一定要提前訂位。」

半途出家

談起美食,你會想起中國菜嗎?人稱「蔡老師」的蔡昊,來自美食之都潮州,二十六歲移民到美國後,與朋友合作開化學肥料工廠,專門給高爾夫球場做肥料,與飲食行業完全沾不上邊,難以想像他會成為大廚。

「當時我喺肯德基州做化工廠,附近連KFC都無,只係得啲鹹豬肉同catfish(鯰魚) ,要成日走去BBQ,食到嘴角都爛埋,當地人仲覺得咁嘅Sunday Lunch叫好豐富,想食新鮮食材?至少要揸一個半鐘頭車去Walmart買,幾經辛苦先至煮到一餐畀自己,無辦法之下,不如自己搞喇!」

碧咸多次來港到「好酒好蔡」品嘗美食,並由蔡昊(左)親自招待,前年更獲碧咸邀請到倫敦家中做晚宴。

離鄉別井,又無啖好食,一個單純的動機,改變了他日後的發展道路。○一年發生九一一事件後,美國經濟大倒退,蔡昊的化工廠亦隨之倒閉,賣過汽車,又做過電腦配件公司的他,把心一橫,決定半途出家,利用學過的化學知識,研究出自己一套入廚秘技,回國創立「好酒好蔡工作室」私房菜。

「我哋成日都講自己(中國)係美食大國,但又做唔到應有嘅級數,中國菜甚至仲平過泰國菜,當時中國菜喺北美洲只係值四個九毫半(約港幣三十九元),送湯、送飯、送甜品、送橙,乜都送,有咩錢執啫?○五年我索性返中國,喺番禺開中國餐館,當時好多人覺得我做三、五個月就唔得,但我足足做咗十一年!」

去年十二月,他(左三)與林建岳(右三)合作,將「好酒好蔡」衝出中國,到香港開設分店。