為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > Paco巨星飯堂 2016 年 07 月 07 日

黃栢高

黃栢高(Paco),金牌經理人,叱吒樂壇三十年,炮製無數金曲,捧紅不少歌手。近年涉足電影,《行運超人》、《龍咁威》、《殺破狼》等,皆叫好叫座。最新動作,除於本刊主持《Paco巨星飯堂》,每逢周一更在《頭條日報》主持「名人會」專欄,專訪城中名人、紅星。

熱愛Summer

踏入盛夏,係同陽光與海灘親近嘅好時節!兩位宅男性感女神:崔碧珈(Anita)同陳婉衡(Alycia),近日就為一個泳裝展擔任大使,向一眾網民嘅眼睛大派冰淇淋。今次「Paco巨星飯堂」,就邀請兩位同你哋分享愛夏日嘅keep fit貼士。

我帶佢哋去到位於中環嘅「料理人上田」,一邊品嘗新派懷石料理,一邊share呢個Summer passion!

我帶Alycia(左)同Anita去到位於中環嘅「上田料理人」,品嘗新派嘅懷石料理,再暢談兩位宅男性感女神嘅夏日大計。

Alycia(左)同Anita兩位宅男性感女神,喺啱啱過去嘅周日,齊齊獻出第一次行泳裝catwalk show,為夏日揭開序幕。

夏日蒲點

繼年初上映嘅電影《PG戀愛指引》後,Alycia同Anita再度合作,為百貨公司嘅泳裝展擔任宣傳大使。兩位宅男性感女神合作,吸睛度梗係大大提升!而且兩位都熱愛陽光,今次就啱晒佢哋啦!

Alycia話:「喺夏天如果唔使開工嘅話,我會去淺水灣或者深水灣曬太陽,因為之後可以去埋赤柱吖嘛,我好鍾意赤柱嗰種relax嘅氣氛,好舒服!」

Anita就話:「我鍾意去黃金海岸曬太陽,因為我好鍾意跑青山公路,有時跑完就會順便去埋曬,就會好滿足。不過咁曬法,都要做多啲事後工作,要搽番啲after-sun,仲要敷番啲補濕mask!」

秘蛋汁煮鮑魚($168),將皮蛋結合新鮮鮑魚,令人一試難忘。

八寸($138五款/$198八款),菜式通常出現於懷石料理中第一或第二道菜式,係一道集合多款日本精緻小吃嘅開胃前菜,組合會因應季節不同而改變。

汁煮喜之次($480/$738),嫩滑嘅魚肉非常鮮香。

雙管齊下

兩位都為啱啱過去嘅周日行泳裝catwalk show而相當雀躍,我相信你哋對Alycia同Anita嘅keep fit心得相當好奇,而佢哋不約而同表示,雙管齊下嘅方式係最有效嘅。

Anita話:「做運動同飲食上都要配合,有啲人只係着重其中一樣,咁就唔平衡嘞!我喺幾年前考咗個健身教練牌,o依家就會用嚟train番自己,負重嘅training係必須嘅,咁樣先可以train到唔同嘅肌肉,練到自己滿意嘅線條。

一講到keep fit同夏日活動,Anita(右)同Alycia話題不絕。

「飲食就要盡量多菜少肉,我會唔食澱粉質,就算食都會以薯仔、蕃薯代替。」

Alycia就表示:「我都係追求balance,運動就keep住有跳鋼管舞同空中絲帶舞,兩樣都對練肌肉嘅線條好有用;飲食上我近期都會盡量自己煮,有時煲一個雜菜湯,有時就整牛油果雞肉三文治,以清淡為主。」

Alycia將練成健美身段,完全歸功於佢勤跳鋼管舞之上。

已考得健身教練牌嘅Anita,坦言運動係保持體態嘅重要一環。

大廚上田建二先生曾經為日本皇太子德仁親王御前獻技,不論廚藝定心思,都係大師級人馬。

火熱寫真

炎炎夏日,Alycia同Anita都唔會吝嗇大晒辛苦keep嚟嘅好身段。前者表示:「喺嚟緊嘅動漫節,我會以cosplay形象見人。我覺得cosple好啱我o架,可以扮鬼扮馬,但係平時一年只可以喺Halloween扮一次。o依家有機會畀我滿足吓扮嘢慾,而且個look都好靚,希望無論係唔係動漫迷都鍾意!」

後者就喺今個月有大搞作,「我會喺今個月嘅書展推出第一本寫真集,以夏日、陽光為主題,o依家我呢一身古銅色,就係之前拍寫真曬出嚟o架嘞!入面嘅相Paco都有份揀,會畀人一個既健康又性感嘅感覺。」

燒日本和牛髀肉($108),燒牛髀肉原非日本菜式,大廚破格利用烹調懷石料理嘅技巧,將兩者結合,變成別具一格嘅新派懷石料理。

燒鵝肝配大根蘿蔔($168)將鵝肝與大根蘿蔔巧妙結合,鵝肝嘅豐腴油脂,融入清甜鮮美嘅大根蘿蔔,極具層次感。

上田風炸魚薯角($138),清甜嘅白身魚配上蕃薯天婦羅,出奇地配合。

上田特製鴨湯麵($118),拉麵由三度獲得「米芝蓮」推介嘅「麵鮮醬油房周月」每日新鮮供應,屬 100%自家製麵,係我嘅特別推介。

Sakura Saku($108)由乳酸梳打、日本清酒製作,鋪滿櫻花花瓣,擄獲女士歡心。

手作抹茶啤酒($88)糅合手工抹茶與Suntory Premium Malts啤酒,芬芳茶香與濃郁麥味互相襯托,口味新穎。

料理人上田 UEDA

地址:香港中環士丹利街11號Stanley 11 3樓

電話:23274482