為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 07 月 06 日

整古專家 利嘉兒

DBC電台主持利嘉兒(Lily),一○年秘密再婚,下嫁在內地開廠做製衣及門鎖生意的劉姓富豪。

向來前衛的她,最近染了一頭藍髮,即使做了人妻,亦保持一貫的衣着潮味。她最愛古着,家中的晚裝、飾物等,大部分都是有二十年歷史以上的舊物,當中包括Hermes手袋、Chanel鏈、外套和古董晚裝等,件件新簇簇。

「我唔鍾意同人撞衫,畀咁多錢,仲要同人撞,係咪好戇居先?o依家連大媽都拎Hermes袋,梗係要揀啲特別嘅款,用名牌都要有品味先得!」

愛穿古着的Lily,笑言從未發生過靈異的事,「我唔會買珠寶,因為唔知傳咗幾多代,衫唔會有感情,去ball着完一次唔會再着,『前主人』都覺得我欣賞佢嘅衫,應該唔會『搞』我。」

夜總會

撞衫向來是利嘉兒的大忌,故早年她已絞盡腦汁,偏好古董晚裝和飾物,避免同人撞到應,「我十幾年前已經鍾意vintage,嗰時香港未有vintage文化,但着vintage,就一定唔會同人撞衫。啲晚裝一套咁貴,同人撞衫好唔抵,加上好多vintage嘅手工好精細,同o依家啲衫無得比,係值得收藏。」

七十年代的Chanel八兩金款腰鏈(右上)和頸鏈,每條約數萬元,「坊間有啲Chanel手袋、頸鏈賣數千元好平,其實當年都有A貨,如果真嘅Chanel拎返去專門店,有永久保養,假嘅就唔會幫你維修。」

九十年代的YSL粉盒,保養得非常好,接近全新一樣,已被炒賣至四千元。