為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 07 月 08 日

胡鴻鈞 冧暈粉絲

一〇年參加《超級巨聲2》入行嘅胡鴻鈞,曾經喺劇集《衝線》 飾演小角色,因為戲份唔多,所以冇乜迴響。早前,佢喺劇集《殭》,由於佔戲重兼對白又多,即刻出事,畀網友狠批佢演技生硬,叫佢專心做歌手。雖然畀人踩演技唔掂,但係胡鴻鈞嘅粉絲反而愈來愈多。

早排,東姑去咗一個晚宴,見到胡鴻鈞做嘉賓,佢原本嚟hea唱兩首歌就走人,點知落台走嗰陣,啲粉絲群情洶湧,排晒長龍等同佢影合照。尤其啲女粉絲見到佢,好似螞蟻見到蜜糖一樣,影完一個又一個,差唔多影咗成廿分鐘。臨走嗰陣,胡鴻鈞仲好識做,揮完手,再轉身同班女粉絲微笑。呢吓回眸一笑,東姑都差啲畀佢電暈。

胡鴻鈞唱完歌落台,就畀班女粉絲圍住影相,排隊條人龍長到呢!

有女粉絲畀部電話胡鴻鈞睇,大家開心sharing。

胡鴻鈞睇完電話,又影埋合照,女粉絲繼續死纏。

胡鴻鈞演技唔夠好唔緊要,最緊要係冧到粉絲嘛。