為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 07 月 03 日

尋找消失的童真

上海迪士尼樂園開幕,加上美國迪士尼湖泊出現鱷魚,令這個樂園近日成為全球焦點。

城中名人亦有不少是迪士尼控,多年來遊走世界各地的樂園,一次又一次奇妙旅程,讓腦海裏盛滿了快樂的印記!

陳細潔捉住小矮人拍照

陳細潔是迪士尼粉絲,全球的迪士尼樂園,她幾乎全部都去過。「上海新開幕太多人,遲啲一定去埋,打個卡到此一遊嘛!」

少女時代是哈日族的她,廿一歲時首次踏足東京迪士尼,「當年香港吹日本風,個個女仔都好鍾意日本,嗰年我約埋幾個好朋友去東京玩,入到去見到好多公仔喺園內四圍行,我哋不時捉住啲公仔影相,玩足一日。嗰時我鍾意米奇老鼠同小矮人,買咗好多紀念品送畀朋友。」

幾年後,她又去美國洛杉磯的迪士尼,「嗰度有四個主題樂園,另外仲有三個水上樂園,地方好大,但我嗰時着得好型,唔想濕身,所以冇入到水上樂園。嗰次我哋揸車去,但因停車場太大,離開時唔記得泊咗喺邊,搵咗個幾鐘都搵唔番架車,好彩最後有架巡邏車經過,幫手搵先搵得番。我覺得美國個樂園得個大字,仲要分開幾個區域,唔似得東京咁靚,咁集中!」

法國和香港的迪士尼,她同樣去過,「法國係同前男友去,我覺得好細,只係食咗個燭光晚餐;而香港嗰個就更加細,入去行咗個圈,食咗個飯就走,當支持下香港囉!」

陳細潔在美國樂園內的小小世界前,戴上黑超擺出cool爆的甫士,「o依家睇番都幾搞笑。」

見到當年《木偶奇遇記》入面的狐狸Honest John,馬上拉住狐狸先生影合照。

Abbie是甫士王,拍照鍾意自度姿勢,「有啲動感,好過一碌木咁企喺度影。」

廿一歲的她,一身潮人打扮到東京玩,在睡公主城堡前拍照,流露童真一面。

與好友去到日本的樂園,一入場見到幾個小矮人,當然不會放過合照機會。