為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 06 月 24 日

方力申 走出失戀陰霾

方力申同Stephy嘅十年情突然畫上句號後,令大家紛紛討論佢哋嘅分手原因。有人懷疑係第三者介入,又有人估係小方唔肯娶Stephy;姑勿論佢哋係點樣分手,小方喊完,又到Stephy喊,咁鬼傷心,好心就唔好分手啦!

早排,東姑去大坑食日本料理,就撞到小方同金牌經理人黃柏高(Paco),喺度密密斟新工作,隔籬枱咁啱就有玄學家司徒法正。一間五百呎嘅小餐廳,星光熠熠,佢哋三位大男人,仲不停影合照,好鬼熱鬧。

東姑見到席間Paco狂飲威士忌,反觀小方就冇借酒消愁,揸住杯酒慢慢飲,慢慢歎。而當Paco同佢講新工作嘅時候,小方就顯得特別醒神,兩人傾到雞啄唔斷,睇嚟小方已經走出失戀陰霾,全力在演藝事業上加油!

小方似乎已經走出陰霾,同司徒法正合照時顯得精神飽滿。

小方同Paco摸住酒杯底,密密斟未來新工作。

Paco同司徒法正喜相逢,可惜呢日司徒師傅揸車,唔可以同Paco開懷暢飲。