為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 06 月 24 日

青政港獨爆內訌 鄺葆賢割蓆

今屆區選喺黃埔西成功突圍當選嘅鄺葆賢,上周突然在網上宣布已於本月初退出青年新政,佢並無解釋原因,只留下「執善固執」四隻大字,不過幾分鐘後即被刪除。青年新政亦發帖證實確有其事,仲話成員過去兩周曾極力挽留佢不果,但同樣無提到佢退黨嘅原因。

事後鄺葆賢發帖大講感言,指離開唔容易,形容同青政「關係就似兩個人跳舞,大家都想畫個完美圓圈,過程中互相踩到腳,曾嘗試變更、修正,可惜情況無好轉。」佢仲話傷過痛過,最後「發現分開應該對雙方比較好」。

青年新政最近似散散地,繼前發言人周世傑之後,鄺葆賢已經係退出嘅第二位骨幹成員。有本土派人士透露,該黨原本只打本土旗號,吸引百幾人加入,並非支持港獨,「但近排青政提出香港民族同港人自決主張,唔少成員都唔支持,引起黨內內訌,相信佢(鄺)都係因為咁退黨。」

外間盛傳鄺葆賢退黨係為咗九月大選,但佢否認傳聞,又話未來會繼續同游蕙禎孖住留守黃埔做地區工作,意味這對拍檔咗十五個月嘅「黃埔孖寶」唔會分手,鄺葆賢仲話:「將來有合適議題或行動,與青政仍會有協商合作嘅空間。」

鄺葆賢是青年新政唯一當選區議員,如今她決定退黨,毋疑打亂本土派選舉部署。