要求黃子恆承擔 裕美老公開腔反擊
早前裕美在IG上載三段影片親證與老公林恩浩（Jason）婚變。今日（六月十八日）凌晨Jason亦在facebook上載題為《給我受影響的朋友同家人！》影片，交代事件始末，又希望黃生（黃子恆）出嚟承認。
影片中，Jason嚴肅表示：「對於連日嚟嘅報道，我想同我嘅朋友同家人講聲對唔住，我唔係公眾人物，喺事件發生嘅時候，我唔識處理，我唔識得任何嘅PR或者語言偽術。我並無收過自己即將離婚，或者搞緊離婚，我自己聽到都好愕然。」
Jason續指希望黃子恆就事件承擔責任，又想外界放過裕美：「我聽好多人講，裕美呢幾日病咗或者發燒，請你哋放過佢，畀啲空間佢，放過大家。拜托。我係一個男人，我會出嚟承擔。黃生，如果你真係鍾意裕美嘅話，麻煩你出嚟承認，唔好再畀裕美一個人受千夫所指喇。裕美其實係好單純，請大家保護佢，唔好再落井下石。」
連日來的報道，加上裕美拍片親證婚變，老公林恩浩終於開腔回應。
