為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 06 月 21 日

野生捕獲 《乜乜乜》才神

男神、女神冇準則,好多時因人而異;早排,港台出咗個節目叫《我係乜乜乜》,其中一集就請咗劉鳴煒做嘉賓,探討「男神」嘅定義,成功引起廣泛嘅討論。

其實,喺東姑心目中,呢個節目《我係乜乜乜》嘅男女主持人,麥嘉緯同王迪詩亦都夠資格升呢做男女神。唔係講樣、唔係講錢,佢兩個一個才子、一個才女,都值得人仰慕啦!

早排,東姑就分別喺唔同地方野生捕獲男女神。喺旺角一間樓上書局撞到麥嘉緯,見佢喺度打書釘,刨緊一本名為《詞場——後九七香港流行歌詞論述》嘅書,連粵語流行曲歌詞都研究埋,果然夠博學,而佢一臉書卷氣文質彬彬個樣,就吸引到一眾文青行注目禮。

至於王迪詩,東姑就喺港鐵遇上,雖然佢戴咗口罩,頭髮仲亂糟糟咁,不過佢身上散發嘅超脫品味,令人一眼都認出佢。睇佢腳上着住對「飛躍」布鞋,孭住個shopping bag,似啱啱喺「N12H」買完嘢,時裝觸覺明顯有taste過人,呢「亭」咪係東姑心目中嘅女神囉。不過諗真啲,其實兩位稱為「才神」會啱格調啲啫。

麥嘉緯喺度打書釘,睇一本叫《詞場——後九七香港流行歌詞論述》嘅書,佢睇書嘅種類都好廣泛吓噃

麥嘉緯專心睇書個樣都幾charmo架,唔怪得有人覺得佢有「才」,封佢做男神。

早排,麥嘉緯同王迪詩主持嘅港台節目《我係乜乜乜》,探討社會標籤問題,引起唔少迴響。