拍情慾戲揀舊愛 小方笑言嗌高個價
方力申在《娛樂3兄弟》快問快答環節抽中「李安找你拍情慾文藝片，你會揀邊個做對手？A.傅穎、B.鍾欣潼、C.鄧麗欣」提問。小方在緋聞與舊愛之間毫不猶豫揀Stephy：「我哋兩個再拍有綽頭，我仲可以嗌高啲（價）！（但會唔會尷尬？） 梗係會尷尬啦！所以咪要比多啲錢囉！」
小方亦提及與Stephy結束十年情，強調兩人從沒提及會否結婚，但承認半年前Stephy曾問他：「其實我地諗的是否一樣？你有沒想過將來呢？」當時小方回答稱：「我梗係有諗過將來，我諗的梗係同你一致啦，唔係點會咁耐？我以為好多嘢唔需要傾，係大家憑感覺互相可以遷就，互相adjust（調節）。喺呢個方面我覺得我地係有共識。」他最後又強調，即使他們二人成功拉埋天窗，亦不代表無問題存在。
《娛樂3兄弟》經常問些難答問題，要小方拍情慾戲揀對手，他毫不猶豫就揀舊愛Stephy。
