為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 06 月 18 日

政府密斟 叫停組黨 鄉事促兌現支票

由鄉事派巨頭侯志強和梁福元等牽頭嘅「新進步聯盟」,原訂四月舉行成立典禮,但臨門一腳煞停。箇中原因一直撲朔迷離,梁福元接受本刊查詢,解開謎底。

他透露喺典禮前夕,環境局、發展局、民政事務局等多名局長、常秘及部門首長與鄉事派會面,據佢形容:「咁多部門參與的確少見。」鄉議局主席劉業強亦獲邀出席。

會上,鄉事派向政府提出多項訴求,包括土地規劃、村屋僭建、丁權等,「好似政府過往將土地列為郊野公園,又無合理賠償,影響村民私有產權,我們要政府處理。」鄉事派組黨目的本來就係爭取政府正視他們訴求,該次會面已初步達到目的,組黨急切性大減,所以暫時擱置。

雙方原訂六、七月再開會交代進展,不過當局至今未有聲氣,鄉事派又按捺不住了,「我哋用最大能量去克制,如果再無動靜就重提埋班。」梁福元話。據悉侯志強及與鄉事派關係密切嘅元朗區議會主席沈豪傑已準備就緒,隨時出戰新東及新西立法會選舉。

侯志強(左一)及梁福元(左二)等人牽頭嘅「新進步聯盟」煞停,原來與政府出手有關。