為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 06 月 10 日

歐錦棠 食不言

眾所周知,歐錦棠同萬斯敏曾經有一段時間分開過,當時盛傳男方有另一個女人添。而萬斯敏就選擇等待,如今兩人能夠再喺番埋一齊,歐錦棠話係信仰挽救咗佢嘅婚姻,o依家佢仲懂得欣賞老婆嘅美善。「以前嗌交,傷害得對方好緊要。o依家衝突一定有,但大家嘅價值觀近咗,我冇咁硬繃繃,各自行開祈禱,件事好自然就解決到。」

歐錦棠又講過萬斯敏係一個幾無欲無求嘅人,只係鍾意得閒同佢傾吓偈。早排,東姑去九龍灣食飯就見識到嘞!用膳嘅時候,歐錦棠與萬斯敏慢條斯理咁食,同坐嘅仲有一位女性朋友,三個人就奉行食不言嘅原則。佢哋大概食咗個半鐘,等侍應收晒所有嘢,三人先開始傾偈,跟住就傾到雞啄唔斷。唔通呢種就係萬斯敏最鍾意同老公嘅溝通方式?

歐錦棠同萬斯敏曾經有一段時間分開過, 當時盛傳男方有另一個女人添。

食飯嘅時候,歐錦棠、萬斯敏同埋一位女性朋友,三人都一言不發,好專心咁食。

終於食完晒,三個人跟住就好似開籠雀咁,談天說地。