為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 06 月 09 日

湯盈盈 雞手鴨腳

好有外父命嘅錢嘉樂,舊年就同湯盈盈再生多個女,而老婆湊女嘅工作量,就立刻上升一倍。日前,約下午一時,東姑去太古城「血拼」,路經冒險樂園,就見到湯盈盈一個人帶住兩個囡囡喺度玩。因為錢嘉樂嘅基因實在太強,搞到兩個女都同老竇一個餅印,而細女無論髮型與衣着都似足男仔,睇嚟錢嘉樂好想生番個慈菇椗噃!

東姑喺現場所見,湯盈盈照顧兩個女嘅時候,就顯得有啲雞手鴨腳,仲搞到一頭煙添。好似當湯盈盈同細女Kassidy去玩搖搖飛機時,大女Alyssa就發晒茅咁走來走去,激到阿媽扁晒嘴。

雖然湯盈盈火都嚟埋,之但係為免大女覺得自己偏心,於是閃電收拾心情,即場諗掂安撫大女嘅方法,就係帶佢去碌保齡球,而大女亦都瞬間乖番。錢嘉樂成日要開工咁鬼忙,湊女呢個重任,惟有交咗畀湯盈盈嘞,真係辛苦晒!

見到阿媽唔理佢,大女Alyssa就四圍走,搞到湯盈盈嬲到扁晒嘴。

為怕大女覺得被疏忽,湯盈盈於是就帶佢去碌保齡球,Alyssa立即開心番。

錢嘉樂天生外父命,連生兩個都係囡囡,仲同老竇一個餅印添。

細女Kassidy無論髮型與衣着都似足男仔, 似乎錢嘉樂想生仔喎!