為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 06 月 12 日

揭十買十賺未輸過 師奶樓神毛舜筠逆市贏錢秘笈

相隔六年重返無綫拍處境劇的毛舜筠,劇中飾演財務助理,管數了得,其實戲內戲外一樣精明,現實中在投資地產和股壇方面,從未蝕過錢,炒樓廿七年至今,單是賣樓已獲利三千一百多萬,全部有賺冇輸。至於炒股則主力買藍籌,但見好就收,逆巿都一樣有錢賺。

成績彪炳的她,早前獲邀出席投資講座大談心得,直言︰「我唔算好叻,但係就會賺錢。」故近年她都是打風流工,閒時跳舞、做瑜伽、遊埠等,學廚也要飛到巴黎;拍檔黎耀祥也大爆她是「隱形富婆」。

五十六歲的毛舜筠,演而優則炒樓炒股,多年來都未輸過,單是賣樓已獲利逾三千多萬,但私下就應使則使。

於一一年以一千七百多萬購入大埔康樂園獨立屋後,近年附近的房屋造價二千二百萬,賬面獲利近五百萬,足見毛舜筠眼光獨到。

低入高賣

現年五十六歲的毛舜筠,隨着兩個女兒長大,大女令山已到加拿大留學,細女亦山亦已上中學,今年初見無綫搵來同是演技派的黎耀祥和陳國邦跟她做對手,她才答允出山拍處境劇《愛.回家之八時入席》。

向來工作為興趣的她,皆因投資理財了得,炒樓更是主要收入來源,自八九年開始投資物業,先後擁有十個物業。由於她做足功課,所揀都是傳統豪宅區的九龍塘、跑馬地等,貪有名校網及配套充足,巿場需求大,永遠長賣長有;加上她眼光獨到,每次都是低入高賣,從冇損手,至今共賺三千一百多萬。她自認是個有遠見的投資者,說︰「投資樓巿,我通常都會先畀一筆錢出嚟,然後放租畀人幫我供,我唔鍾意短期炒賣,長揸總有着數。」街外錢一齊搵,她還向好姊妹蔡少芬傳授投資之道,將持有的沙田單位賣給前保安局局長李少光,蔡的賬面淨賺百幾萬。

慳家婆仔底衫開工

當日在數碼港開工,她未有將車停泊在停車場,僅停泊咪錶位,相當慳家。

她僅穿白色棉質背心到場,一身街坊師奶打扮。

薄施脂粉的她甫落車,即跟女助手交代工作安排。

天氣酷熱,原先着上白色背心的她,在前往商場期間,怕遇上途人,馬上穿上外套。

換好戲服的她由經理人和助手陪同下,到角落位置準備化妝。

見好就收

毛舜筠自言從前賺到錢就愛買珠寶,不過首飾買多過戴,最終只放在保險箱,但嘗過炒樓賺錢後,已未有再買珠寶,錢搵錢更實際,由樓宇投資踩埋過股票巿場。

自九五年趕移民賣樓賺了一筆,她回流後因睇了投資理財必看的《窮爸爸.富爸爸》而大受影響,本來對股票一竅不通,惟有每日學習睇財經版,由睇唔明到開始懂得掌握,更攞炒樓賺的錢轉投股票,在股壇同樣戰無不勝,冇輸過。

早前她跟張堅庭及著名股巿評論員陳永陸出席投資講座,她毫不保留公開其心得,「我唔算好叻,但係就會賺錢,我嘅投資心得就係唔好貪心。見好就收,好有信心嘅,就擺耐啲,我唔信消息,乜嘢會上到八千點到萬二點,有講等於冇講。至於心水,我專注買藍籌,如和黃、滙豐等等。我唔買期指,只會細細哋玩吓。朝早開電視睇下個巿,賺少少就放,其實我買股票都靠運氣,但唔會博。」

毛舜筠多年來眼光獨到,投資的物業均穩賺無賠,一轉手身家即翻了幾倍,廿年間靠炒樓賺逾千萬,認真厲害!

拒買基金

身為長勝將軍的她,一直主張投資要穩陣,縱使金融海嘯都未有觸礁,惟獨○六年被相熟銀行員工游說買基金即出事,三個月即蝕十多萬。

事後她向傳媒爆大鑊,「我一向唔買基金,覺得畀銀行抽佣唔抵,嗰陣有百幾萬,打算喺半年後用來買樓,畀銀行講到基金回報好、好穩陣,最後畀佢o氹咗,但唔夠三個月,銀行打嚟話蝕咗十幾萬,又話長線投資冇問題,但我講明係短線投資半年,佢就叫我止蝕。」由於她覺得銀行存欺騙成分,揚言要開記者會,幾經交涉,銀行只肯賠本金,幸慶不致血本無歸,因此她發誓以後不再沾手基金。