為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 06 月 13 日

眼超超

踏入六月初,炎夏已火速殺到,氣溫超熱,陽光又超猛,出街冇副「超」傍身,好易變鹹蛋超人,熱到眼都凸!

城中潮人近日就齊晒黑超,要玩味有玩味,要型格有型格,太陽再猛都冇有怕!

鄭秀文超帥氣

Luisa Leitao $2,880

愛於網上騷潮物的鄭秀文,今次唔係騷衫和袋,而係騷黑超。這天她戴上的黑超,是藝人黎芷珊出品的Luisa Leitao。她揀選品牌中的Iconic系列,一個字,帥!

徐濠縈徐濠縈

Fendi EyeShine $4,139

身為潮流達人,徐濠縈這個夏天當然要騷一騷佢至愛的黑超。她所載的是Fendi今季的EyeShine系列,鏡片至貓眼飛角都用了水銀反光鏡片,折射金光,超耀眼。

薛凱琪超爆笑

Karen Walker $2,764

近日忙於宣傳新歌〈MISS FIONA〉的「謝安琪」,吖唔係,係薛凱琪先啱,則在網上大晒新西蘭黑超品牌Karen Walker的八角形黑超,戴住佢出街,唔知仲會唔會畀男主播認錯係謝安琪呢?

文詠珊超有型

Dior Split $4,723

文詠珊(Janice Man)曾揚言是愛「超」之人,家中收藏了過百副黑超,這天佩戴Dior今夏推出的「Split」系列,以幾何造型打造的經典款式,與其近年的打女形象可謂襯到絕。

范冰冰 李晨 袁詠儀 超玩嘢

Linda Farrow Yazbukey 3 C2 $2,200

來自英國的高級眼鏡品牌Linda Farrow,向來以玩味甚重的設計來吸引客人。就連內地女星范冰冰和男友李晨也同樣喜愛,早前二人去shopping時,就齊齊戴上這副由Linda跟Yazbukey合作設計,採用外置式「大眼仔」鏡片營造玩味的太陽眼鏡。相中二人除了眼鏡一樣,就連表情也一樣,真係越來越有夫妻相。而袁詠儀也被這副眼鏡吸引,早前與老公張智霖參與內地真人騷時,亦有載它出鏡。