為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 城中人.事 2016 年 06 月 02 日

毛記電視台慶負評如潮 實惠枉燒328萬贊助費

時富投資(1049)老闆關百豪(Bankee)素有「財技高手」稱譽,旗下「實惠」早前豪擲三百二十八萬元,即約等於中期三分一盈利,冠名贊助新媒體毛記電視的《萬千呃like賀台慶》,時富股價更一度被炒起,令市場嘩然。

上次毛記舉辦的頒獎典禮,有新鮮感加上明星撐場,因而大受網民好評。贊助商「Shell」大收宣傳之效,「#多謝Shell」等感激字句紛紛湧現,宣傳回報可用「抵到爛」來形容。難怪不少「缸」湖人士原本以為關百豪跟毛記兩者屬天作之合;加上實惠屢次成為關玩財技的搖錢樹,應該有一番作為。

不過,剛於五月中舉行的《萬千呃like賀台慶》,不單未能食住上次頒獎禮的氣勢,本刊翻看網上評論,只見「今次啲飛唔太『實惠』!」、「真係悶到抽筋!」、「淨係識係高登搵料同淨係識抽水,完全冇自己風格,咁樣改好好笑咩?」等大量網民負評。

難怪「腦細」林日㬢亦不得不在個人Facebook出文道歉︰「個Show好多好多問題,亦出咗好多意外……現場還可以氣氛搭救,睇電視就係一場災難」。有廣告業人士分析,新媒體若一直用同一方式抽水搞爛Gag諷刺時弊,網民很快便會厭倦;加上毛記東方昇、Dickson等「偽員」直播經驗不足,dead air頗多,觀眾又要一齊過渡廣告時間,場內場外的氣氛難免沉悶。

今次實惠谷不起人氣,隨時枉燒數百萬贊助費。本刊曾致電實惠公關,至截稿前未獲回覆。

台慶當晚「#多謝Pricerite」亦少有出現,網上負評如潮,有網民指「平時就笑TVB 製作簡單,經過今次我估佢地唔敢亂抽水啦!」

不少「缸」湖人仕估計關百豪出手贊助,後續會有具體作為。

「腦細」林日㬢亦不得不在個人Facebook出文道歉︰「我參與其中,點會唔知悶……現場還可以氣氛搭救,睇電視就係一場災難」。

股壇「財技高手」關百豪(Bankee)旗下的實惠以約等於中期三分一盈利,三百二十八萬元冠名贊助新媒體毛記電視的台慶。