為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 05 月 27 日

男人食堂

香港經濟漸入寒冬,不少食肆相繼結業,吉舖湧現,這邊廂有人選擇收爐休養生息,那邊廂卻有人唔識驚,爭相入場分一杯羹。

時裝設計師鄧達智最近在自己地頭元朗屏山開茶餐廳,主打賣街坊價的私房菜,坐埋枱大部分都係自己友,連住在九龍城的周潤發都專程幫襯;葉澍堃細仔葉瀚華則與朋友柴娃娃夾份投資,在灣仔開新派法越式酒吧,賣酒及特式小食,成為一班朋友的聚腳點。

有云有危先有機,一盤生意贏定輸,真係睇你點玩!

初開業時,賣的大部分是傳統的茶餐廳菜式,但日後便會加入更多獨特的美食,吸引食客。

鄧達智 圍村茶記

近日鄧達智(William)由設計時裝改為穿上圍裙,在自己地頭元朗屏山投資百萬開設Cafe 123食堂。起初以為作為時裝設計師的他,應該會開一間裝潢華麗的高級餐廳,怎料到達後才發現他的餐廳,是一間設計簡約的街坊茶記。

William雖然是老闆,卻事事親力親為,又將多年的烹飪心得,設計出多款特色又抵食的菜單。「我細佬十年前由LA回流返港時,我哋已經有呢個計劃,因為我哋兩兄弟都對食好有研究。」逆市才來創業,他解釋:「因為餐廳選址喺鄉村,加上間舖係我阿伯嘅,租金比市區平,所以我相信我哋有生存空間。」

相識滿天下的William,獲不少圈中好友親臨支持,如前港姐鄭文雅。她還替在廚房下廚的William落油,齊齊炮製美食。

早前,發哥(周潤發)也慕名而來,與William合照外,還為William分享用北海道牛奶煎雞蛋的心得。

兩兄弟矛盾

William坦言當初籌劃開甚麼類型餐廳時,與胞弟曾出現矛盾,「細佬想開以新鮮豬骨湯炮製的雲吞麵檔,我就想搞間大眾化嘅茶記,以特色美食及圍村菜作賣點吸引食客。香港實在太多雲吞麵舖,我哋一定要做到101分先可以吸引到人嚟食,但我講細佬又唔信,所以我就畀佢試吓。佢請返嚟嘅老師傅可能年紀太大,味覺開始有問題,每日煲出來嘅湯都唔同味道,保持唔到水準,我心諗,睇你可以捱到幾耐!誰不知,到了四月二十日我生日那天,細佬突然同個師傅嗌晒交,最終老師傅劈炮唔做。當時我真係好開心,覺得係上天今年送畀我最好嘅生日禮物,自此細佬就接受我嘅意見,早午時段做茶餐廳,供應油占多、奶醬多、鹹牛蛋麵等地道美食,亦有自家調製嘅特色咖喱雞翼等,晚上就做私房菜。」

Cafe 123 食堂,食物以價廉物美作賣點,假日吸引不少區外客來幫襯。

外表是三文治的秘製豬扒包 $20,入口香脆,肉汁香甜,鄧達智大力推介。