為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 05 月 28 日

肥媽 醉爆飯局

如果大家喺食店,見到肥媽(Maria Cordero)同佢個契仔「6號」陸浩明,一定好自然以為佢兩「母子」,又喺度拍緊無綫嘅最新飲食節目《食平乜乜乜》,咁你就錯嘞!

日前,東姑同朋友相約去尖沙咀一間酒樓食晚飯,咁啱得咁蹺,隔籬枱就係肥媽同「6號」。今次,其實係肥媽同契仔一齊去同啲老友飯敍;而呢個飯局就真係星光熠熠,嘉賓多到似肥媽開生日會咁款。

東姑喺現場除咗見到有阮兆祥、盧海鵬、喬寶寶、錢國偉、追星律師曾權威之外,最過癮嘅就係,李錦聯同埋反咗面嘅前度女朋友、酒廊歌手邵敏婷(Rachel),一對昔日打到上差館嘅舊愛,竟然同場現身。而喺朋友嘅拉攏之下,李錦聯同邵敏婷都有影番張合照;之但係,兩人就顯得尷尷尬尬囉。好彩,肥媽識做周圍敬酒,搞到全場醉晒,大家都飲到咁high,乜尷尬都忘記晒喇!

肥媽吹雞叫食飯,座無虛席,兩圍枱都唔夠坐。

見到肥媽同佢契仔「6號」陸浩明, 大家一定以為係拍緊飲食節目《食平乜乜乜》,錯晒!佢哋今次係請大家飲飲食食。

當晚李錦聯同埋前度女朋友、酒廊歌手邵敏婷(Rachel)同場現身,喺朋友嘅拉攏之下, 佢兩個尷尷尬尬影合照。

現場氣氛熱熾,賓客飲紅酒,肥媽則飲威士忌,仲要杯杯清, 相當盡興。