為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 05 月 26 日

林盛斌 趙永洪 嘔心之作

八七年亞洲小姐亞軍嘅李菁,曾經拍過胃仙U廣告而人氣急升,佢o依家商、影、視三方面發展。最近,佢就斥資咗大約一百萬開拍一齣網絡電影。李菁同東姑話,今次佢自己仲會身兼監製同演員,而齣戲大部分喺內地取景。

李菁坦言:「今次對我嚟講係一個好大嘅挑戰,我本身係一個好樂觀嘅人,一直都好想拍一套喜劇。今次投資咗一百萬去搞,好多謝各方嘅朋友咁幫手支持!主角方面有林盛斌同趙永洪,佢兩個係朋友間穿針引線識嘅,好開心佢哋咁幫手。」

日前,趙永洪同林盛斌(Bob)就喺番禺拍咗一場好香艷嘅場面,有好嘢睇,東姑梗係第一時間仆去啦!趙永洪喺片中飾演一個富二代,而呢場戲係講佢喺私家泳池度開party。

東姑去到先發現係就係有好多索女,但中段嘅時候,突然間衝出一個男扮女裝嘅阿Bob,將成個好香艷嘅氣氛破壞晒。跟住,趙永洪同阿Bob仲要喺台上面摸來摸去,場面可謂極度嘔心。究竟點解趙永洪有索女唔攬,竟然睇中飾演肥婆嘅阿Bob呢?阿Bob就懶神秘咁話,要賣個關子,等大家自己睇搵答案喎!

嘩!喺戲中飾演富二代嘅趙永洪,竟然咁重口味, 鍾意男扮女裝嘅肥Bob。

肥Bob畀趙永洪上下其手,high到反晒白眼。

畀人摸到好興奮嘅肥Bob,終於忍唔住出手, 反過來喪摸趙永洪,連扮侍應嘅蔡淇俊都忍唔住偷笑。