為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 05 月 24 日

關慧玲

《東周刊》社長兼總編輯。

超人中中教小朋友慳電

環保是大勢所趨,不過好多人未必一下子可以改變到生活習慣,中電就設計咗一套給幼稚園用嘅教材,將在六月中送給全港近一千間幼稚園,方便喺新學年使用。中電仲搵咗本地知名插畫師b.wing創作主角人物超人中中(下圖),由佢教小朋友認識電力。

聽中電企業發展總裁莊偉茵講,佢哋已有小學、中學到大學嘅教材,現在有埋幼稚園就變成學習一條龍。不過佢話相比小學課教材,K1至K3嘅幼兒唔需要太多文字,反而圖片要吸引,所以中電搵現職幼稚園老師畀意見,內容點樣設計至吸引小朋友,一式三套嘅教材,包括一本給老師上課用的大書,和一本方便小朋友拿上手、體積較細的細書。細書沒有文字,小朋友聽咗老師堂上解說後,可以拿着小書再將故事說給其他人聽,或者再發揮想像力自己創作故事。為咗減輕老師工作壓力,中電連埋工作紙、遊戲等一套過做好,教師可以立即用。

究竟教啲乜?莊偉茵話三本書主題不同,K1教材主要教電力與人的關係,例如電從哪裡來,唔係天空行雷閃電果啲,而係由電廠產生的;而K3嘅小朋友就可以開始學節能知識,唔用嘅電燈要關上電源,手機唔好用太耐等等。

為加強趣味性,中電仲搵咗音樂人戴偉作咗首歌,由林二汶主唱,透過唱遊加深慳電意識,例如冷氣二十五點五度已夠晒凍,洗衣機裝滿至開機,煮嘢食用電爐好得多,用埋慳電膽慳更多。

莊偉茵話自細學習節能知識,鼓勵小朋友養成良好用電習慣,更懂珍惜資源。其實有時候,小朋友反而能夠倒過來影響父母呢。