榮升契媽感母愛 何超蓮再痛都會生BB
李蘊宣布誕下B女，兩個契媽何超蓮與鄧紫棋（G.E.M.）昨（五月十七日）午去醫院探好姊妹母女。原來超蓮在澳門開完會返港，更親手運送新鮮葡撻給李蘊食。超蓮又坦言感受到母愛，將來自己幾痛都會生B。
超蓮說原本想買條鏈給BB戴，但無時間。至於上契，她則說：「等BB出院先，o依家仲太細，大個啲先上契，o依家嗌咗做契媽先。」她直言李蘊說生B好痛：「佢唔太怕痛，但都話痛到承受唔到，係M痛乘100倍，所以都有啲驚。係啦，覺得媽媽好偉大，將來都會生B，幾痛都會生！」
超蓮與G.E.M.隔住玻璃睇B女，G.E.M.仲嘟招牌金魚嘴作狀咀契女，李蘊因為順產康復較快，已可落床同兩個好姊妹一齊睇BB，仲好精神！G.E.M.在社交平台貼相留言：「我的乾女兒好可愛好可愛好可愛！而我好開心好開心好開心！好激動，一看到她甚麼都說不出只是一直說她好可愛，哈哈哈哈！詞窮了！羅小寶貝，你的三位媽媽愛死你了～」
李蘊誕下B女，升呢做媽媽；兩個契媽何超蓮與G.E.M.亦樂得第一時間探望好姊妹兩母女。
原來超蓮在澳門開完會返港，更親手運送新鮮葡撻給李蘊食，認真好姊妹！
去到醫院，三位媽媽都忙着與BB拍照，開心的心情表露無遺。
