為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 05 月 13 日

母親節晒溫馨 郭羡妮陪母撐枱腳

作為藝人,工作無定時,但來到一年一度的母親節,無論幾忙,點都係媽咪大晒,當然至少都要食餐飯,同媽咪享受吓難得的溫馨時刻。

早已榮升為媽咪的郭羡妮(Sonija),三年多來為了女兒Kylie大減工作量,本身亦侍母至孝的她,在母親節前,便陪媽咪二人世界行商場、撐枱腳,又買健骨素作禮物提早慶祝。

趁母親節,郭羡妮撇低女兒,相約郭媽媽撐枱腳兼揀禮物,提早慶祝。

雖然四十歲的Sonija已為人母,但仍會繞着媽咪溫馨行街。

囡囡投訴

郭羡妮自一四年拍竣劇集《無雙譜》後,為了可以有更多時間照顧囡囡Kylie,既推掉不少內地工作,又於去年八月趁約滿,離開工作了十六年的娘家無綫,即使公司主動提出加薪及開劇讓她做「女一」挽留,她都不為所動,至今已有兩年沒拍劇的她坦言:「其實我都有戲癮,不過o依家唔想工作得太辛苦,想多啲留喺屋企湊女。」

數月前,Sonija終為港台拍《女人多自在》,貪其只需開六日工,每日又不超過十小時,可惜仍然被現已三歲的Kylie詐型。「阿囡話要陪我開工,我話唔可以嚟,佢竟然話:『唔陪你,我會死!』真係唔知好嬲定好笑。試過有次十一點幾未收工,佢坐喺梳化度喊晒,話要等我返嚟先肯瞓。」

在Marks & Spencer選購餅乾,身旁的郭媽媽給予不少意見。

郭羨妮一一年與內地武指朱少杰結婚後,即專心相夫教女,生活簡樸甜蜜。

囡囡Kylie現已三歲,承傳了媽咪Sonija的瓜子口面,十分漂亮。

繞手行街

雖然女兒Kylie勁黐身,但日前傍晚,Sonija仍選擇撇低囡囡,趁臨近母親節,相約郭媽媽行商場撐枱腳,提早慶祝。當日她駕車載郭媽媽到將軍澳東港城後,便到一家日本食肆開餐,兩母女邊吃邊聊天,食足個半鐘才捨得埋單。其後二人又走進平民服飾店去,分頭行事,郭媽媽往女裝部,Sonija則專攻童裝,但最後仍然空手而回。

睇完衫,兩母女轉攻萬寧,Sonija甫入店內即駐足在保健藥品的貨架前,拿起一瓶健骨素看了看配方,便招手叫媽咪一同選購,仔細研究了一輪,她排隊付款,把健骨素送給媽咪,最後二人更繞着手往取車回家,畫面溫馨。