為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 05 月 12 日

生意難撈! 阿徐時裝分店輪住摺

本港零售業銷貨額持續下跌,本地潮流教母徐濠縈同友人Dorothy(許雪晴)合資經營的三間時裝店 Liger Store亦頂唔住。據知,雖然阿徐有大水喉Eason射住,但她堅持自己生意自己救唔使老公插手。面對時裝生意告急,阿徐都好頭痕,力求止血不惜裁員減薪及加強網上宣傳力推潮牌新貨。據知,如果業績未有改善,唔排除待尖沙咀K11店同澳門店租約期滿後結束營業,集中火力搞銅鑼灣總店。

二○○九年徐濠縈為圓夢,逆市同朋友合資開樓上時裝店Liger Store,生意搞得有聲有色愈做愈大,至今連埋澳門已有三間店。

二○○九年徐濠縈為圓夢,逆市同朋友合資開樓上時裝店Liger Store,生意搞得有聲有色愈做愈大,至今連埋澳門已有三間店,但近大半年眼見辛苦創立的時裝王國生意額暴跌,搞到徐濠縈都冇晒心機,不停跑步做瑜伽減壓,又同拍檔密謀止血對策,除做Model自Sell靚衫放在各大網上平台催生意外,裁員減薪是常識。據知,阿徐同密友狂呻:「銅鑼灣店生意還好,主力靠熟客幫襯,但尖沙咀店就真係搞唔掂,因為主打自由行客唔啱Target,本地客消費意欲又大減,試過成半個月都零生意,每個月要捱10幾萬貴租兼且養至少兩個Sales,條數好攞命,再咁落去多數唔玩,幾個月後租約期滿,會將尖沙咀同澳門店一拼結束減少營運開支。」

徐濠縈雖然自己做埋模特兒,但每個月要捱十幾萬貴租,及兩個Sales人工,條數太攞命,難以發展下去。