為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2016 年 05 月 16 日

戰鬥格 黎美言

有人就有是非,更何況是八個女仔參與一個格鬥真人騷,

擺明車馬同對方鬥到你死我活的埋身戰?

ViuTV的《G-1格鬥會》,由未開台、單是拍攝錄影期間已經話題多多,八個女仔上演六國大封相,其中前HotCha成員黎美言(Winkie)更成為犯眾憎,鄧穎芝(Vangie) 講到明「好憎佢!」,阿旦鄧洢玲指她賽前練習已出賤招,劉燕妮(Rika)爆喊被她打到雙眼有飛蚊症,「晶女郎」唐紫睿(Hazel)則鬧她心狠手辣,樣子猙獰……

還以為Winkie應該會趁着這次專訪逐一駁斥,訪問內容照計會甚具娛樂性,畢竟看她第一場跟Vangie入籠肉搏時,她的樣子即使未致於猙獰,也在告訴大家「唔好惹我」。

殊不知,無論怎樣引述那幾個女仔指責她的說話,她都只是一副不慍不火,重覆又重覆嗰幾句:「呢啲嘢都已經過咗去,人哋要點講,我控制唔到,我亦都冇必要去解釋。我只係希望觀眾睇到嘅,係我哋嘅努力,而唔係呢啲是非囉。」

是真的,訪問時眼前的Winkie,其實很友善,也很爽直,完全有別於《G-1》中,或是拍攝這輯打沙包相時,她擺出來的戰鬥格。

「我要養家,要照顧媽咪,又要睇住細佬,仲要處理自己嘅嘢,壓力好大!我要比人哋更加努力啲做嘢嚟賺錢,所以行出嚟,自然都要畀人覺得我好堅強!」

查實,如果有得揀,邊個想日日無時無刻都起晒槓咁鬼攰呢?

開心地獄

Winkie黎美言的那副戰鬥格,除了是生活環境逼成,也是她參與《G-1》前地獄式鍛煉建立出來的。「嗰三個月,我直情係real fighter咁嘅生活,朝九晚五,先練三個鐘泰拳,然後孭住個沙包跑海傍;食完一個鐘飯就練巴柔(巴西柔術),即係喺地下嗰種鎖技。我每個星期train足六日,得星期日休息,日日我都係傷痕累累咁返屋企,返到屋企都攰到即刻要撻落牀!

「呢啲訓練,超地獄!辛苦過晒我入行以嚟所捱過嘅工作!我之前從來未打過交;頭兩個月又未知其他幾個對手係邊個;每次聽到巴柔個師傅話,鎖技好易畀人啪斷關節,隨時死得……嘩!啲壓力大到,我要用食嘢嚟平衡番個心理。不過,嗰陣就算日日食幾碗飯都唔會肥,反而因為壓力太大,仲瘦咗十幾磅!」

第一場入籠,對手是講明「好憎佢!」的Vangie。「呢場我打得好辛苦,Vangie重我一個磅數,又好大力。其實佢真係打得幾好,幾適合MMA呢種運動!」

因為《G-1格鬥會》,Winkie(左三)經歷了三個月地獄式MMA訓練,令她相當難忘。