為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 05 月 13 日

閨密潮媽 梁家玉

音樂人雷頌德(Mark)的太太梁家玉(Jade),藉主持《閨密教煮》而晉級成潮人。已是三子之母的她,因曾擔任模特兒,keep住一副靚靚身形,着衫好有個人風格。

Jade教路,今季必買橫間、花裙、牛仔和Lace衣飾,高跟鞋和水桶袋亦唔少得,再配搭埋長興的classic items,「classic款可以長興,再襯當季興着items同accessories已煥然一新。我每次開季大約買六位數字衫,雖然老公畀我任買,但我好理性,一次過買晒呢期hit嘅衫就收手。」

品味不是一日煉成,但有個叠水又錫自己嘅好老公,絕對是首要條件!

Jade穿上不易carry的Max Mara紅白間條長裙$8,280,襯上五吋高黑色高跟鞋$9,888,身形巧妙地拉長。

老公教路

Jade身為三子之母,仍擁有43吋長腿,和26吋纖腰的好身材,她爽直地說:「我唔容許自己有少少肚腩,好滿意家嘅身形,生完三個喇,仲想點呀?」

短髮的她,一看便知走型格路線,她以潮人身份,大講永恆不敗的「牛仔」。她身上的牛仔褲,已買下近十年,但穿起仍沒有過時,「牛仔褲季季都興,求其襯吓都好型,千祈唔好着到上闊、下又闊,變成水桶咁,我自己就鍾意上身闊、下身窄,睇起嚟修長啲。」

Jade與雷頌德結婚九年,恩愛如昔,她非常欣賞丈夫,大讚他說:「佢着衫永遠快人一步,我一定唔會買衫畀佢,因佢太有主見。」

穿碎花最易失手變村姑,Jade教路如何穿這條Blumarine透視花裙$15,500,「加件外套同戴條勁誇嘅頸鏈,要young可以着平底波鞋,想優雅啲就着高跟鞋。」