為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 05 月 08 日

飛上枝頭 李月

與Mandy Lieu合組「Quest」模特兒公司的李月(Bobo),近期在社交圈冒起,經常出面力撐好姊妹Mandy戀上人夫洗米華。

同是模特兒出身的Bobo,生於吉林,五年前下嫁內地富商老公後誕下一子,便「收山」做少奶奶。

嫁入豪門後,Bobo為了keep住靚樣和靚身材,每星期堅持做兩次gym和高溫瑜伽,保持足夠運動量;近期她又試玩空中瑜伽,有舞蹈底子的她,一學上手,動作優美且身輕如燕,恍如飛上枝頭!

空中瑜伽的形態優美,看似輕盈,實際上運動量甚大,講求平衡感,「幾好玩!不過唔可以用錯力,如果唔係,條布就會勒到對腳好痛。」

Bobo(左)和Mandy Lieu(右)皆性格率直,故二人特別投契,經常見面、行街,「Mandy份人好sweet,有次親手做咗個生日蛋糕畀我,好感動。」

長期運動

現年三十歲的Bobo,二十一歲加入Elite模特兒公司,與同公司的師姐Mandy Lieu成為好姊妹,每當Mandy「有事」,她總會第一時間開口力撐,「每個人都有權利去爭取愛情,只有佢先至知自己開唔開心,鍾唔鍾意,最重要係佢自己點睇,唔需要理會其他人。」

相比起好姊妹,Bobo的愛情路卻平坦得多,年前認識到比她年長十多年,經營紅酒生意的丈夫,拍拖一年多便結婚生仔,退下火線做闊太。丈夫怕她日日shopping、high tea會悶,兩年多前打本給她開模特兒公司,她笑說:「我覺得人生最成功嘅事,係擁有一個幸福嘅家庭。」

已加入人生勝利組的Bobo,為了時刻保持最佳狀態,近期開始玩空中瑜伽keep fit,身形纖巧的她很快上手,輕易在輕晃的絹布上,做出站立、倒轉和飛躍等動作,形態優美。旁人看似簡單,原來玩起來有相當難度,不消二十分鐘,Bobo已玩到臉蛋紅紅,她說:「全靠塊布承托身體,如果用錯力或者唔啱位,塊布會勒到手腳好緊、好痛。」

為做靚太,Bobo長期保持運動量,每星期做一次高溫瑜伽和兩次健身,「有教練教我做gym,重點收緊手臂、肚同pat pat,我唔係想要肌肉,只係想啲手腳結實啲,望落好睇啲。做多啲運動,個人亦會精神啲。」

以為Bobo內外都很注重健康,但她卻笑言以往飲食方面沒有節制,更是個「食肉獸」,餐餐無肉不歡,近年為了健康,才強迫自己改掉從小不吃蔬菜的偏食習慣,「我家會食沙律菜加醬汁做早餐,易入口啲。又食好多生果,有時會榨汁飲,補充纖維,最鍾意飲花膠湯。我唔會節食,因為會影響心情,又冇晒能量,所以每餐一定食一碗白飯。」

自小習舞的Bobo,玩空中瑜伽很快上手,「以前要每日練早功,倒立十分鐘,連打五至十個前後空翻,由枱上打到落地,再由地下打番上枱,做空中瑜伽相對輕鬆。」

自從生了兒子後,Bobo萬事以家庭為重,她滿足地說:「BB令到屋企充滿歡樂,我每日陪佢周圍去,生活好充實 。」