陳豪 陳茵媺 感恩生女
已育有兩子的陳豪和陳茵媺，第三胎終於如願生女，上周五（廿九日）他收工後即趕到醫院會合老婆公布喜訊。
向來是愛妻號的他，當眾攬住老婆錫錫晒恩愛，產後精神奕奕的陳茵媺講起個baby girl即喜上眉梢︰「BB喺4月27日出世，係順產，重7.15磅，英文名叫Camilla。我諗住生第三個越生越Calm，但生嗰吓仍然好緊張，見佢一出嚟猛喊，好Strong。」她透露BB腳長似爸爸，而兩個仔仔已跟妹妹見面，仲好想一齊玩。
陳豪表示有陪老婆入產房，雖然過程擔心，幸好一切順利，他感恩說:「有BB都係天賜嘅喜悅，有埋個女就係上天圓滿我嘅人生。One big family。」見到陳家咁幸福，東姑都戥佢哋開心。
三年抱三的陳豪和陳茵媺，第三胎終於追到個女，二人高興得有如中大獎。
下午他急趕到醫院，拖實老婆出來會見傳媒。
產後的陳茵媺腰肢圓潤，上圍又升級，但陳豪對老婆錫到燶。
他們替B女改了英文名Camilla，意思是品格高貴的女子，但中文名則由外公及爺爺改。
