為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 05 月 06 日

王從希變靚做聶小倩

〇三年選港姐入行、已故知名藝人王偉個女王從希,喺香港銷聲匿迹咗一排。最近,佢突然有新搞作,宣佈正式同一間內地經紀人公司「深圳華盛鑫煌演藝」簽約,做咗樊少皇嘅同門師妹。日前,佢就廣邀中港傳媒見證呢個簽約儀式。

唔知大家仲記唔記得王從希曾經有個「翻版張栢芝」嘅外號呢?之前,仲有傳佢個樣經過後天加工添。不過,正所謂士別三日刮目相看,東姑喺今次簽約儀式上,就離奇發現佢忽然再變靚啲,個樣竟然變咗似范冰冰(范爺)。

聽聞佢嚟緊會監製兼主演一部內地電影《聶小倩之前世今生》,唔知係咪因應佢將主力放喺內地發展,所以連樣貌同氣質都緊貼住國內市場嘅需要,話變就變咁厲害?當日,王從希就似乎有備而來,仲同大家講,佢嚟緊打算學足Angelababy(楊穎)咁,話會去廣州醫院做醫學鑑證,證明自己從來冇整過容喎。就連做嘢都咁適應國內嘅模式,睇嚟佢喺國內發展,應該大有前途兼錢途喇!

日前,王從希亮相簽約儀式,女大十八變嘅佢,由「翻版栢芝」忽然變臉似咗范冰冰。(圓圖)

簽約現場所見,王從希都好適應內地傳媒嘅運作模式,受訪時好有大將之風。

儀式上宣布王從希會監製兼主演電影《聶小倩之前世今生》,氣場真係有啲「范爺」嘅風範。