為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 05 月 06 日

選舉處寄錯表 八百旅行社受影響

九月立法會選舉在即,政府頻頻出動廣告攻勢呼籲市民登記做選民。單係旅遊界就有八百幾間旅行社未登記。選舉事務處三月初寄出選民登記申請表畀旅行社老闆,要求佢哋喺五月二號限期前提交。旅行社屬於「團體選民」,但部分人填完先發覺,那份表格係「個人登記申請表」,而唔係「團體選民申請表」。

選舉事務處向本刊證實,「因程序上出錯」寄錯表格,最少四十個團體反映用錯表格。至於處方總共寄錯咗幾多份表格,以及仲有幾多個功能組別收錯表格,處方就拒絕披露。

旅遊促進會總幹事崔定邦透露,收到廿多間旅行社投訴指收錯表格,業界估計最少八百間旅行社受影響。崔定邦話有業界擔心無法在限期前登記做選民,錯失投票機會,「o依家叫人點趕得切補交?」

崔定邦指出,旅行社理應收到藍色嘅表格(右),但相信最少八百多間旅行社錯誤收到橙色嘅表格(左)。

選舉事務處寄錯選民表格畀旅行社老闆,險令旅行社趕唔切登記做選民。

崔定邦批評,選舉事務處今次擺烏龍,大拿拿浪費咗八百份表格及郵費,嘥晒納稅人金錢之餘,仲拖慢成個選民登記程序。「個人票表格係橙色,公司票係藍色,職員連顏色都分唔到。」

佢曾要求處方為交錯咗個人票表格嘅旅行社,處理登記手續,獲得處方答應,但要補番旅行社公司名及公司授權。交表「死線」亦押後一個月至六月一號。

該處一般是同日寄出唔同功能組別嘅表格,所以相信其他組別都可能有同樣情況。