為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 娛樂一針 2016 年 05 月 03 日

黃庭桄

《東周網》總編輯、《東周刊》副社長、兼星島新聞集團娛樂、名人、副刊總監。傳記著作有陳方安生《盡付笑談中》、鍾鎮濤《麥當勞道》、沙士紀實《香港還有英雄》和慈善義賣的《一念天堂》、《Cash Happy Book》,哲理著作有《人生何處不Laughing》、《一百個人的遺憾故事》、《眾善孝為先》、《娛樂一針》、《Fly Me To The Moon》、《送你一對翅膀》、《潮爆神獸卡》、《曾付出幾多心跳》、《終於在眼淚中明白》等。

坎坷過後有騷開

對唔住大家!黎明已經講了至少三次對唔住,再講就好虛偽。

左手係防火帳篷,手背又係防火帳篷,不過一隻是中國製造,一隻是合乎英國規格,其實帳篷的外圍,即是帳篷的內圍,總之物料能夠防火,明人不做暗事,又點知暗處有狗咬腳呢?

防火原則會取締默契,默契會產生更多議題。計不到的,就用猜的,猜一猜最壞有多壞,如果最壞也不是太壞的話,Go!

生存在世,最幸福的是,可以尋求到解決難題的方法;最遺憾的是,用盡了方法,都解決不了問題,所以黎明每天生活在幸福與遺憾之中。

有無機會開4D演唱會,同見鬼一樣,都係要講緣份。開騷似開香檳,開始時有好多氣,飲後會high。受防火管制所影響,第一場演唱會被迫臨時取消,誰也會谷氣,谷爆到肥過部電單車,但黎明豁達,也不介意別人說他豁不豁達,多番親自現身解畫,向歌迷道歉,成功化解「關公」危機。看!男人的魅力,就是來自工作。

借錢如送禮,向有關部門申請開騷牌照如乞米?每個人都應該珍惜開演唱會的機會,如果唔係,就會絕對空虛。支持和被踩,只有一線之差,但是就算被踩,也要做一隻堅強的螞蟻。

成功開騷,就好似打遊戲機咁,要一關一關咁過,過完食環,再過消防;拆完帳篷,又到環保署的分貝噪音問題,到你爆機時,如果EQ低啲,都隨時搞到魂歸天國。

魚柳變了就不是魚柳包,不站在帳篷下演唱的黎明,依然是黎明。坎坷過後有騷開,我不會叫黎明加油,因為他覺得叫他加油,即係叫佢去死,Yo!Yo!送上一瓣的口水花:鍾意黎明就鍾意,L~I~K~E!真係正爆!