為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 04 月 30 日

錶美會 孫穎

鋼琴大師劉詩昆的女友孫穎,多年來投資物業眼光快狠準,為她帶來不少財富,她亦鍾意收藏鑽錶,既可戴上手「觀賞」,又能隨着年月升值,身家自然亦水漲船高,「以前買錶係隨性,為襯衫靚啲;o依家對金錢觀念唔同咗,會當係投資,自己又可以戴嚟欣賞,如果只為襯衫,唔需要花咁多錢。」

眼前總值千萬的鑽錶,閃到令人目眩,孫穎卻視買錶過程是一場藝術盛宴,比喻作梵高的畫,「如果買百萬嘅名錶,打扮一定要優雅,襯番套靚衫,要飲住香檳,好似去欣賞藝術品咁。」

孫穎視鑽錶是投資工具之一,手上所戴的蕭邦全鑽手錶,價值$450萬,盒上則是今年新買的蕭邦限量版陀飛輪鑽錶,價值$700萬,是她最貴的珍藏,「其實一年都戴唔到一、兩次,只放喺保險箱。已經有人睇中我呢隻蕭邦限量版陀飛輪鑽錶,想我出讓,但暫時仲係新歡,我想睇多兩眼先。」

這是劉詩昆送給孫穎的四十歲生日禮物,有256粒細鑽、八粒大鑽,閃到發光,價值$450萬,她甜笑:「我鍾意呢隻手錶一絲土豪味都冇,款式好經典,能夠結集同級的鑽石係好難得,就算無任何燈光都一樣咁閃。」

孫穎最愛的寶璣鑽錶,左是十多年前買的第一隻鑽錶,價值約$50萬,右是八年前買,價值約$90萬,「橢圓形好啱我心水,我參考過同年出產嘅手錶,o依家已經升值幾倍。」

過百珍藏

孫穎收藏的手錶超過百隻,其中有廿五隻是鑽錶,她從保險箱取出部份珍藏,有蕭邦錶。(Chopard)、愛彼錶(Audemars Piguet)、伯爵錶(Piaget)、江詩丹頓(Vacheron Constantin)、柏德菲臘(Patek Philippe)及寶璣(Breguet)等,當中兩隻蕭邦鑽錶,已經價值逾千萬。她拿起放大鏡,細心觀賞全球只有二十隻的蕭邦鑽錶,並讚歎說:「每粒鑽石都好多層次,好似萬花筒咁。隨住人愈來愈成熟,我開始鍾意錶有埋配套,呢隻錶有終身上門換錶帶,換電池等保養服務,全方位的配套好重要。」

她視每隻鑽錶如藝術品般,連錶盒一併好好珍藏,「如果冇靚嘅錶盒載住,咁將隻靚錶放喺廟街地攤,就同啲假嘢冇分別。」

孫穎記得每一個買錶的故事,她笑言最怕買錶時附近有土豪出沒,打擾雅興,「有次喺歐洲嘅柏德菲臘,見到有一團十八人,一人買一隻廿萬嘅鑽錶,個男人猛喝個sales快啲快啲,全無欣賞隻錶,好似買兩打蛋撻咁,個sales惟有禮貌哋請佢哋去第二度買。」

今年新買的蕭邦陀飛輪鑽錶,全球只有20隻,她買入第16號,價值$700萬,「蕭邦邀請我買呢隻,呢啲方鑽係最靚最珍貴,用放大鏡睇有好多層次,好似萬花筒咁靚。」

愛彼限量版純白金手錶,有鋼琴琴鍵的圖案,連錶盒都是鋼琴形,價值$80多萬,已收藏十年,「AP話送畀劉老師,但無功不受祿,老師以象徵式價買,其實佢唔戴錶。」