為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 04 月 25 日

婚禮進行曲 李夏美茜

白馬王子、童話婚禮⋯⋯都是大部份女士夢寐以求的,連馬會前主席李福深兒子李國緯的太太李夏美茜﹙Michele﹚,都被這股「幸福氣味」吸引,〇三年與友人創立The Wedding Company婚禮籌劃公司,親手為一對對新人送上祝福,見證愛情誕生。

無奈天意弄人,近日突然驚爆她與結婚二十三年的丈夫李國緯離婚。提及「分訊」,她顯得相當避忌:「我唔係離婚,我哋只係暫時分咗居,唔係因為第三者嘅原故,好難三言兩語同人交代,總之我哋o依家仲係好friendly﹙友好﹚啦!」

誰不想將婚禮進行曲演奏到尾,但緣聚緣散,最終還得靠上天指引。

母親是香港人,父親是英國人,Michele指父親於第二次世界大戰後移居香港,任職會計:「佢喺連卡佛由會計部做起,一直晉升至董事總經理,工作咗四十年先退休。」

瞞夫創業

記得早年曾看過由珍妮花洛庇絲(Jennifer Lopez)主演的電影《戀上你新郎》(The Wedding Planner),講述珍妮花飾演的婚禮策劃人,為人策劃過無數次婚禮,但自己的情路卻相當坎坷,不期然令我想起李夏美茜的經歷。

同為出色的wedding planner,愛情道路卻一樣遇上瓶頸。首次坦承婚姻亮起紅燈的她,被問及離婚一事,突然臉色一沉,皺了皺眉說:「唔好話我離婚,我哋只係暫時分咗居,I'm fine!仲搞緊(分居事宜),我唔想講呢啲嘢!」

熱愛陽光與海攤的她(左三),早前與Amanda S.﹙右三﹚等老友,齊齊到馬爾代夫Paradise Island,與陽光玩遊戲。

去年年底,她與大女Alana(左)到日本京都體驗着和服,驟眼一看,大女真的長得與Michele成個餅印一樣。

九三年與丈夫李國緯舉行盛大婚禮,四年後便誕下女兒,繼而淡出名模圈。

屬中英混血兒、於香港土生土長的她,早年與Amanda S.、馬詩慧等人同期擔任模特兒,其後下嫁丈夫李國緯,轉行做公關,「我都有拍過唔少廣告,當年Eric Kwok(郭偉亮)都有搵過我三次,邀請我任郭富城MV嘅女主角,但我統統拒絕晒。因為嗰時我已經結咗婚,唔想去kiss其他人。

「後來我同馬詩慧開咗間公關公司叫『911』,但我做咗兩、三年就無做。我好唔鍾意(做公關),做到個人好厚面皮,我接受唔到要我去求人出席個event,覺得好唔好意思。」

不安於家中做少奶奶的她,後來卻意外於雜誌上發掘到自己的興趣,還躍升成為老闆娘。「有日我同邵聖瑜(邵逸夫姪孫女)睇一本Wedding雜誌,睇到人哋啲婚禮好靚,又諗番起自己十年前嘅婚禮,唔明白香港點解冇一啲似樣嘅西式婚禮,於是我哋就諗,我有公關經驗,佢又對插花同杯碗碟好講究,決定喺〇三年開咗間婚禮公司。當時無資金、無辦公室,我哋都無話畀老公知,咩都由零開始, Claudia(邵聖瑜)做咗五年就停咗,我就繼續做到o依家。」

Michele心目中最理想的婚禮地方有三個,分別是意大利Tuscany、希臘和美國Napa Valley:「Tuscany同Napa Valley有美食佳餚,希臘有靚風景,非常之relax!」