為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 04 月 25 日

入行九年遇人不淑 周美欣含淚:對唔住阿媽!

〇七年港姐季軍周美欣﹙Lorretta﹚,同是港姐唔同命。近幾屆的港姐師妹一出道即獲無綫力捧,密密拍劇做女主角,偏偏她當年被公司投閒置散,心灰意冷之下轉投樂壇做歌手,但星路仍是未見起色。

近年,周美欣主力發展模特兒事業,雖然終於擺脫「零收入」的命運,但因欠缺後台和經理人,一樣搵食艱難。自己接job更屢次遇人不淑,被人呼之則來,耍到「陀陀令」。入行九年,至今仍要依靠家人接濟,周美欣向本刊道出港姐悲歌,含淚哭訴:「我對唔住媽咪!」

入行九年,際遇不如人意,且屢屢遇人不淑,周美欣不禁感懷落淚。

由溫哥華返港發展,至今仍需依靠家人經濟支援,周美欣自覺辜負了家人的期望。

提起父母時,周美欣難忍淚水,她自覺不孝的說:「對唔住媽咪!」

三年冷板凳

〇七年選香港小姐得季軍的周美欣,不似近幾屆的港姐師妹般幸運,獲得公司重用,陳凱琳、蔡思貝、黃心穎、朱千雪等等,未御任已獲派演劇集,被力捧做花旦,而她簽約無綫後,卻坐足三年冷板櫈。

周美欣坦言自己當年思想太單純,所以不太會爭取,「以為簽咗management就應該由management部門做,自己做就係曳、係唔乖。」奈何信錯負責她的經理人,結果更坎坷,試鏡的機會寥寥可數,三年內只客串過一、兩部劇集,而外面的工作,經理人不但不為她爭取,更反而代為推搪,她憶述:「嗰時識得一個日本人,有個日本廣告話想搵我,叫我send profile過去。結果佢問我當時嘅經理人,但係經理人竟然叫佢上TVB.com睇,就連個日本人都提醒我小心啲,因為經理人同佢講,除咗Lorretta仲有好多藝人可以揀。嗰次之後,對佢真正徹底失望,枉我之前仲一直信佢!」

周美欣﹙右﹚在〇七年參選港姐奪得季軍而入行,同屆冠軍是張嘉兒、亞軍王君馨。

簽約無綫經理人的三年間,周美欣﹙左﹚得到跟黃秋生、呂慧儀等合作的機會,在無綫製作的電影《Laughing Gor之變節》中演出,但戲中僅是閒角一個。

獲得媽咪無限量支持的周美欣,年前搞EP發布會時,媽咪就專程由溫哥華飛來香港撐場。

轉型做歌手

在無綫一直被投閒置散的周美欣,連自信心都被消磨,「好似乜都唔啱做,劇拍唔到,做model又唔夠知名度,唱歌就唱片公司嗰邊未ready,剩低可以做兒童節目,但又唔會畀我做喎!」到了傾續約的時候,經理人更「苦口婆心」勸退她,「佢話如果有第二啲更好嘅選擇可以走,或者係返溫哥華讀書whatever,但當時我係唔想走。」

與無綫解約後,周美欣經媽咪朋友搭路,一〇年簽約寰亞轉型做歌手。其實,一直醉心唱歌的她,〇五年曾參加全球華人新秀歌唱比賽,較選港姐更早。不過,簽了唱片公司後,她也是一直在等,頭兩年幾乎完全零收入;生活上,惟有靠家人接濟,她哽咽說:「佢哋都係擔心掛住我囉,因為我等嘅時間,媽咪都同我一齊等。其實都好好笑,到出EP嗰刻已經冇感覺,因為等咗實在太耐。」一三年,她終於推出首張EP,可惜坊間反應平平,演藝事業裹足不前。她慨歎自己欠缺運氣,「其實我真係唔好彩,之後無綫有《星夢傳奇》個節目,如果仲喺度,我一定參加,唔係話一定紅,但起碼有個機會。」