為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 04 月 22 日

森美劈價搶job Bob絕招反擊

近年,林盛斌(Bob)成為商演司儀的搶手貨,密密接job冇停手;而較他早十年出道、同是DJ出身的森美(原名:梁志健),吸金力同樣驚人。在商演司儀界,兩人可謂一時瑜亮。

本刊收到消息,因為香港近期市道低迷,森美在早前就大劈身價,所以搶去Bob不少司儀的工作。強敵殺埋身,怎可以坐以待斃?Bob透露不僅調低身價與客戶有商有量,還承諾做騷絕對不欺場,「我唔會揸爛攤、唔會hea做!」以誠意加實力爭取更多客戶的支持!

Bob和森美同是近年商演騷的金牌司儀,兩人幽默風格又相近,難免有競爭。

同行如敵國

近期香港市道低迷,各行各業減價的減價、減薪的減薪,就連娛樂事業亦不例外。本刊收到消息,指出商演司儀界的騷王森美,早前竟大幅劈價,由原本八萬一騷,減到六萬一騷,減幅相當驚人!正所謂同行如敵國,另一商演金牌司儀林盛斌(Bob),同樣是電台DJ出身,加上風格跟森美相類似,兩人都是風趣幽默類型,對於今次森美的大劈價,首當其衝對他構成最大影響。

據悉,Bob近日曾向身邊人大吐苦水,有感司儀job愈來愈難撈,一向以來森美八萬一騷,Bob則開價七萬,Bob以些微價位的優勢,成功吸納不少客戶。早前,森美竟然大割價促銷,Bob的客戶顯著流失,知情者說:「森美減價減到離晒罩,一減就減咁多,聽聞唔少客擺晒森美上枱,四圍壓價,聽講都幾做爛市o架,搞到Bob唔減又唔係,減又唔甘心,唔想太過脫離市價囉!」據悉,Bob最後亦無奈作出有限度的減幅,大約百分之十。

森美平日正職加外快工作忙到冇停手,一踏出電台已忙住覆電話,無閒理會門外一班守侯的女粉絲。

森美一邊聽語音訊息、一邊眉頭緊繃,似乎公事繁重兼心情唔太靚。

價錢有商量

其實,阿Bob和森美的競爭,早在幾年前便已初露端倪。當時阿Bob火速冒起,他便曾不下一次在訪問中提及森美,並揚言希望擁有像對方一樣的知名度、賺錢能力和江湖地位,擺明視森美為「假想敵」。近年,Bob接job接到手軟,人氣更比森美有過之而無不及,兩虎之爭亦愈趨白熱化。

本刊致電Bob了解,他否認有感森美降價「頂爛市」,「我冇乜留意,但我諗成行唔單只佢,係全線價錢上面都有調整,唔係某一個人減,而係整體都要減。我自己都有減少少調整啦,市道差咗,同啲客戶都會有商有量多一啲嘅。」

近年人氣強勁的Bob ,深得客戶愛戴,但受大市影響,坦言價錢有商量。

為私人晚宴擔任司儀的Bob,現場極力搞氣氛,難怪他豪言:「唔會揸流攤」。

騷錢少廿萬

至於搶job之說,Bob坦言:「我又冇特別數住,佢幾多、我幾多喎,我自己個人啦,之前每個月可能十單job,o依家就減到一個月六、七單咁啦!司儀騷收入大約少咗廿萬一個月,但又好感恩,其他廣告、代言、網上推廣多咗,拉勻計個人總收入又冇少到。」Bob強調,司儀騷工作量減少,是整體市況造成,客人選擇除視乎價錢因素外,也考慮司儀本身的適合程度,不至於誰搶誰的job。

面對着競爭愈來愈激烈,市場湧現同行減價潮,Bob似冇有怕兼豪情壯語:「繼續做好自己啦!即係我絕對唔會欺場嘅,就算收平咗少少,我唔會揸流攤囉,我唔會hea做囉!」