為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 04 月 16 日

立法會選舉倒數 功能組別大混戰

九月立會選舉在即,除咗建制、泛民、本土等三股勢力鬥拉鋸外,多個功能組別都爆發爭位戰。盛傳大律師公會有意派人出選,向立法會法律界議員郭榮鏗「挑機」。有傳主席譚允芝有機會披甲上陣。

五十三歲的她是資深大狀,法律界鐵娘子,一上場就多次就燙手山芋議題「發炮」,包括一地兩檢、李波事件、旺角暴亂等,作風硬朗敢言,令人刮目相看。論「食力」,譚允芝本身係知識產權法專家,前夫係資深大狀嘅莫樹聯,兩人都江湖地位十足。聽聞中小型律師行協會創會會長陳曼琪,都磨拳擦掌有意參選,佢早前退出加入十五年嘅民建聯,盛傳係為參選鋪路。陳曼琪至今未表態,不過佢日前啱啱搞左個律師齊畫畫活動,唔知係咪攏絡人心。

至於社福界,現任社福界立法會議員張國柱,因早前患上惡性胃淋巴瘤,曾休假兩個月醫病,隨時放棄競逐連任都唔奇。「佔中死士」浸大社會工作學系講師邵家臻日前向傳媒透露「積極考慮出選」,公民黨曾健超亦都表明想加入戰團。

另一個功能組別工業界,因為林大輝早前放風唔尋求連任,廠商會隨即出現爭位戰,盛傳會長李秀恒有意破例以會長身份做埋工業界議員。佢直言:「如果無合適人選,先會考慮參選」,但同時留一線,「唔能夠話自己唔會去選」。

該會副會長吳永嘉呼聲同樣高,呼籲「有心選嘅人盡快做野。」不過佢唔肯透露,自己係咪「有心人」。

廠商會爆爭位戰,吳永嘉(右)同李秀恒(左)都係熱門人選。

盛傳資深大狀界有意推舉大律師公會主席譚允芝,對撼郭榮鏗,打破公民黨壟斷。