為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 04 月 15 日

尋找綠色的車匙

潮流興環保,生活上乜都要節能減排,電動汽車因而成為近年一股新熱潮。

Tesla自從年前推出的Model S電動車,即火速成為城中名人的新寵兒,鄭子邦、利嘉兒、明肇豐等都排住隊爭做車主,尹婉媚更連買三部,與家人一人一架。

為綠色生活出一分力,梗係要身體力行啦!

Lily的老公揸開快車,初時擔心電動車馬力唔夠,「估唔到呢架車,速度可以咁快,老公已經預訂咗兩年後嘅跑車model。」

利嘉兒 異度空間

現於DBC電台做主持的利嘉兒(Lily),一○年秘密再婚,下嫁在內地開廠做製衣及門鎖生意的劉姓隱形富豪。

Lily的老公一向愛車,一年前預訂Tesla Model S P85D電動車,等了半年終於到手,車價$110萬(連自選配備)。

通常做乘客的Lily,大讚這部電動車人工智能化,「架車唔使插車匙,只要車主袋住車匙,行近部車,車門的手柄會自動伸出嚟;錶板好正,好似成部電視咁,揸車時搵路好清晰。部車充完電,會有電話message通知你,但亦因為部車太醒,司機位一無人,隔一陣就會自動熄車。有次我老公落咗車去買嘢,我坐坐吓成架車所有嘢突然熄晒,感覺好似困車立咁,好驚,我又無車匙開唔到車,嚇到我係咁拍打車門,又打電話畀老公叫佢返嚟,之後冷靜落嚟,試下打開車門,所有嘢就開番晒,哈哈。」

Lily直言揸車愛追快感的人,會略嫌這架車太靜,「揸跑車會有聲,收放自如,但電動車引擎好靜,喺公路跑感覺唔到快定慢,太穩定,有啲似與外界隔絕,去咗異度空間。」

她認為電動車將會成為大趨勢,但需要改進現在的「跑車不似跑車,房車不似房車」的外型,「我覺得架車冇乜性格,所以老公已經訂咗2018年出嗰架Tesla『model 3』,跑車外形真係型好多,好正!」

智能錶板清楚顯示電池用量,不怕架車突然冇電,「每次充電一小時,可以行幾日。」

Lily最like錶板的特大顯示器,「行車時睇地圖導航,都好方便。」

鄭子邦 慳錢之選

鄭子邦覺得環保是全球人類都必需關注,故去年轉揸電動車,「夏天可以舒舒服服坐喺架車入面歎冷氣,冇廢氣,又唔使怕停車要熄匙,要喺車上焗桑拿。」

的士行太子鄭子邦,一年前轉揸Tesla電動車後,近日將名下的法拉利跑車放售,「用咗電動車就返唔到轉頭,仲慳咗好多錢,以前揸法拉利一日要千幾蚊油錢,每個月平均要萬幾蚊,有時又要攞入廠維修。口依家架車每月電費只係700至1000蚊,牌費亦只是$1100,仲免稅,又唔使維修、檢查費,好超值。」

鄭子邦直言當初買電動車,主要是考慮環保,希望街道上的空氣污染少一些,「如果未來多啲人用電動車,行人過馬路都唔使吸咁多廢氣。我成日都推介呢部車畀朋友,一年前唔多人揸Tesla,嗰時我每次喺路上見到有人揸Tesla,我都會同佢點頭打個招呼,覺得大家志同道合,為環保出一分力,口依家諗番起,可能佢以為我係傻佬,哈哈!」

車上掛上高僧送給他的佛珠作平安符,去到邊都路路亨通。他駕駛時愛用spotify app聽林憶蓮的歌。

鄭子邦讚電動車起步快過法拉利,後座闊落,屋企人都讚坐得舒服。