為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 04 月 14 日

跟住夢想去學廚 李家敏

東亞銀行後人兼前馬會主席黃頌顯的外孫女李家敏﹙Caroline﹚,外表斯文大方,言行相當低調。間中才與胞妹李家彤現身社交場合的她,原來醉心廚藝,近年更潛心鑽研各國飲食文化,夢想在飲食界有一番作為,「爹哋媽咪從來冇要求我哋大個要做咩職業,爺爺就話做到自己喜愛嘅工作,自然就會做出成績!」

為了實現理想,李家敏年前曾到法國藍帶廚藝學校學廚,畢業後更走入廚房實戰,累積經驗後,她以cazz food journal之名在instagram分享食經,又被羅致在李玟丈夫Bruce創辦的時尚雜誌《Legend Magazine》任飲食專欄作家,介紹各國美食和文化,「我鍾意煮,又鍾意四圍去飲飲食食,家每星期都會試新餐廳,去到外國又會捐窿捐罅搵地道嘢食,希望遲啲可以做飲食節目主持。」

李家敏最愛試新餐廳,每星期至少一次,經常又飲又食,好易暴肥,全靠每星期以高溫瑜伽keep fit,「我成日試菜、煮嘢食,人又開心好易肥,所以去做高溫瑜伽,身形線條會靚啲。」

因為愛食,所以想了解更多飲食文化,她在藍帶廚藝學院修讀兩年,眼界大開。

揸鑊鏟

是次的訪問場地由李家敏安排,她表示由於擔任飲食專欄作家,故每個星期都會去試新餐廳搵寫作題材,「呢間餐廳係Press room group開,我uncle有份投資,佢以前做銀行,因為鍾意飲食而轉行。」

於成長路上,父母一直讓她自由發揮,李家敏長大後,為了興趣而選擇到英國排名5甲內的布里斯托大學(University of Bristol)修讀幼兒教育研究。

當時是哈日族的她,曾轉去日本遊學一年讀日文。她喜歡藝術,畢業後又曾到蘇富比拍賣行工作半年,之後到幼稚園任職教師一年半,「讀邊科同做咩工作都係自己揀,攞吓經驗,做幼稚園係因為我覺得做老師要應付家長,又要應付小朋友,需要好有耐性;將來到我有小朋友,有咗呢啲經驗,會識得點樣去湊同教。」

李家敏在幼稚園工作了一段日子,發現自己最愛還是飲食文化,她不想浪費時間,毅然中途轉行,遠赴法國藍帶廚藝學校三藩市分校,修讀為期兩年的烹飪藝術副學士課程。外表柔弱的她去「揸鑊鏟」,家人卻相當支持,「雖然我爹哋係醫生,媽咪係律師,但佢哋從來冇要求我讀醫、讀law,只係叫我放心去做自己最想做嘅事,搵自己嘅理想。課程其實唔止學做chef,仲要學點開餐廳、營運同管理。」

李家敏對去ball不太感興趣,直言寧願去新餐廳試菜飲酒,「媽咪無管我哋去ball、去party,佢覺得識新朋友係好事。」

李家敏最愛意大利白松露菌,每年十月底至十一月頭是盛產季節,她大快朵頤,連生日都揀食白松露,「切到好薄生食,配牛油意粉或炒蛋,好香!我推介去中環的8 1/2 Otto e Mezzo Bombana食,每位大約$2,000,我對食會好捨得。」