為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 04 月 13 日

徐子珊溝到外藉型男有拖拍

圈中女星唔少情鍾外藉型男,就係鍾意對方夠高大,畀到安全感。唔講唔知,就連前無綫一線花旦的徐子珊,都有個又型又靚仔的外藉男朋友,仲要靠男友一直在Instagram貼相放閃晒恩愛!

近日報道有指,結束無綫合約後的徐子珊一直空閒,專心珠寶課程,期間更識到保加利亞大的外藉型男Moni。雖然子珊同Moni本身分隔異地,但Moni識做,不時來港與子珊維繫long D感情,見到子珊出騷有活動,他更現身撐場,默默守護女友。

拍拖當然少不了晒恩愛,子珊Instagram開咗冇耐冇咩睇,但係原來佢個外藉男朋友一直有喺Instagram貼相晒恩愛,實行要全世界知道佢哋低調拍拖。相中子珊與Moni面貼面胸貼胸,就知二人見面時,有幾熱情得咁熱情。

早喺新年,子珊同Moni已經行埋,子珊拎住大大個元寶同型仔男友合照。

本身係model出身的Moni一身唐裝,跟實女友過年 。

拍拖一段時間,Moni只在自己Instagram貼相放閃,都似想低調拍拖戀情。

睇樣斯斯文文的Moni加上熱情開放的子珊,面貼面胸貼胸,盡晒恩愛!