為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 04 月 10 日

李克勤自爆 虎爸教仔法

克勤,多年來都是公認唱得之人,對音樂和歌藝力臻完美;然而,作為兩子之父的他,卻從來沒想過要八歲大仔李立仁(Ryan)和六歲細仔李力司(Rex),成為日日操練功課習題到深夜的「繁忙兒童」。

因此,克勤讓他們入讀國際學校,減少學業上的壓力;帶他們遨遊了十八個國家,見識世界;又讓他們選擇學有興趣的課外活動,安排最好的老師給予教導。

生活富足優越最易孕育出二世祖,他惟有化身虎爸。「我成日同佢哋講,o依家擁有嘅所有嘢,都係我多年努力做嘢賺錢得返嚟,做任何嘢都唔可以咁易放棄,如果佢哋犯錯,我會省鑊甘,仲會體罰!」

家有如此虎爸,Ryan和Rex將來肯肯定不會成為犬子。

日前在《我是歌手4》中,克勤邀請郎朗為他伴奏演繹代表作〈我不會唱歌〉,結果獲第一。

最緊要開心

李克勤和盧淑儀的八歲大仔Ryan,和六歲細仔Rex的性格,完全相反。「細佬比較古惑,好識冧人,見到媽咪着條裙:『媽咪,nice dress!』阿哥個人比較文靜,好書生,擔屎唔偷食嗰啲。」

克勤說,Ryan很小很小的時候,非常害怕接觸外人,曾擔心過他患有自閉症。「佢驚人驚到,一對住陌生人,就會匿埋喺牆角!check過佢唔係自閉症,就帶佢去check皮紋,結果係佢腦部social life個zone好差,好彩七歲前都仲改到,我同老婆就成日帶佢出街見唔同嘅人,畀佢參與多啲社交活動;到四歲,佢呢方面已經好番好多,個人open咗,仲要嘴gel gel!」

而因着Ryan這個皮紋測試結果,兩公婆決定安排他和細佬入讀香港加拿大國際學校。「讀國際學校,功課同考試唔多,教學形式比較輕鬆,學業上可能冇local school咁好,但開心!佢哋學校好多活動,萬聖節由校長到校工都會扮鬼扮馬,農曆新年又會喺學校整個花市,每個禮拜又會有唔同嘅活動畀家長參與。

「其實佢哋出世前,我同老婆已經共識咗,唔係要兩個仔將來做醫生、工程師或者乜嘢偉人,反而想佢哋開心、健康同符碌!」

八歲的大仔Ryan較文靜,年前主動提出要學鋼琴,卻因練到喊,被爹哋李克勤省一輪,最後由郎朗調整他的練琴心態。

個性好動的六歲細仔Rex,運動天份比哥哥好,很懂冧人。「啲金髮女仔會主動走埋去,好有異性緣。」

禁做二世祖

為了方便兒子上學,克勤一二年斥資五千多萬進駐壽臣山道豪宅,又安排司機接送出入,兒子回到家,更有電腦和iPad供他們消遣。「佢哋要用電腦同iPad做功課,禁唔到佢哋用。佢哋好聰明,有乜唔明,咪上google囉,乜嘢都唔夠iPad咁緊要、咁好玩,我哋咪惟有監住佢哋上網時間囉。」

名副其實讓兒子過着富二代生活,克勤亦因此「常哦」上身。

跟盧淑儀結婚十年,克勤說,兩夫妻相處並不怎樣浪漫,「最感動嗰件事,都係去奧脫福睇波囉。」又係足球。

受父母感染,兩個兒子同樣愛曼聯,去年十月,克勤更帶他們到英國奧脫福球場睇波。