為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人專訪 2016 年 04 月 10 日

東方不敗 Vivienne Tam

女人如衣服,指的是兩者同樣追求外在美,但奇在時裝界很多頂尖品牌卻出自男人手中,看來美籍華裔著名服裝設計師Vivienne Tam(譚燕玉)是少有的異數:「唔知點解,噏得出名嘅(時裝設計師),大多都係男人!」

八一年隻身由香港到美國紐約發展的她,九九年被美國時尚雜誌選為美國最具影響力百名亞裔人士之一,連麥當娜(Madonna)、茱莉亞羅拔絲(Julia Roberts)、章子怡及楊紫瓊等國際巨星都是她的捧場客,「做一個好fashion嘅designer係無意義,啲衫唔係話只要着起嚟好型、好trendy咁就ok,我啲衫一定要加入中國元素,可以向外宣揚到中國文化,有meaning(意思)又有communication(信息),咁先叫work!」

來自東方的Vivienne,不敗從來不是神話。

Vivienne透露為保持體態輕盈,絕不碰酒和咖啡:「我會盡量食素同有機食品,會每朝早做一個鐘瑜伽。」

當年著名藝術家Andy Warhol同樣以毛澤東肖像創作畫作,與Vivienne的毛澤東裙,齊齊於紐約大都會藝術博物館展出。

英雄造時勢

設計師經常要與其作品畫上等號,自然連本人都要時刻保持「潮味」,翻查維基百科紀錄,發現Vivienne原來已經五十八歲,本想讚美她是防腐美魔女,誰知她即再三吩咐:「最緊要唔好提到我嘅age,維基講嘅年齡都唔啱,唔使專登去提o架啦,哈哈!」

三歲由廣州移居香港生活,父母皆為裁縫,從小對針織、衣服有濃厚興趣,Vivienne更會造衫給自己及弟弟妹妹。香港理工大學時裝設計系畢業後,她跟大多年輕人一樣,懷著滿腔熱血,以為可以靠熱誠勇闖時裝界,卻難敵現實的殘酷。

Vivienne(右)與鞏俐(左)等人去年出席主打中國風的「Met Gala 2015」,「好開心,可以畀全世界見到中國文化,亦都見到好多唔同華裔設計師嘅崛起。」

Vivienne於一三年與劉嘉玲(中)及章子怡(右)出席《一代宗師》首映。

「以前中國人好迷外國牌子,邊有人會留意到香港出品嘅嘢?加上嗰個年代香港製衣業好蓬勃,周街都係廠仔廠女去做製衣,想做設計師?喺香港根本無希望!所以我先走咗去美國發展。初初去到美國,遇到好多冷言冷語,畀人寸我哋(中國)邊有設計師,就算有,都只係識走去sell一啲好cheap嘅T-shirt,好慘!唔會有人信你,直情唔當我係designer,只係一個廠家製造商!」

既然時勢不能造英雄,就由英雄來造時勢,心灰意冷的Vivienne,捱足十年,於九○年成功創立同名時裝品牌,並於九四年大膽推出以毛澤東肖像為主題的春夏時裝系列,火速於國際舞台上打響名堂。

「就係因為毛澤東,令我由一個藉藉無名嘅人,一下子變到好多人識,當年仲要未回歸,啲人驚到不得了,好多廠都唔敢幫我造(衣服),o依家諗番起好彩有take呢個risk(冒險)!條裙o依家仲收藏喺紐約嘅Metropolitan Museum(大都會藝術博物館),間博物館收藏咗三個中國設計師嘅作品,郭陪、Laurence Xu同我 ,但佢哋得一件,我有三條(裙)!」