為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 04 月 10 日

梁思浩同盧覓雪鬥嚇

梁思浩終於同無綫破冰嘞!自從〇四年被無綫裁走之後,梁思浩一直都未能夠釋懷。十二年後,喺玄學大師李居明嘅發功之下,令佢可以再現無綫嘅熒幕,應該有唔少人替佢高興。

唔知思浩係咪高興得滯,所以搞下鬼?早前,佢同盧覓雪就影咗一輯好嚇人嘅相。東姑睇完之後,個心離一離!佢兩個着到紅卜卜,好似啲厲鬼陰魂不散咁款。呢個情景,比起幾年前,梁思浩瞓棺材嗰單新聞更嚇人!今次梁思浩着晒鳳冠霞帔扮鬼新娘,而盧覓雪仲驚死思浩個樣唔夠驚嚇,再加伸脷同嘟嘴,問你怕未?希望大家睇完之後,夜晚唔會發惡夢。

大家覺得盧覓雪擺出港女第一式嚇人啲?抑或係梁思浩扮鬼新娘恐怖啲?

梁思浩能夠同無綫破冰,成個生猛晒,盧覓雪都話替佢高興。