為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 04 月 01 日

大鑊鞋

香港人咩都有得炒!最新目標有近日hit爆中港台的AdidasNMD系列波鞋,其中黑色鞋身配紅藍間紋款式,全線斷貨之餘,仲由原價千七蚊,炒至七千蚊,鑊氣十足!名人紅星為緊貼潮流,人人腳踏一對,話之你炒到癲價、天價,一樣照買!

蔡卓妍 採排戰鞋

歌手每次排舞,分分鐘要幾個鐘或以上,唔着番對舒服啲嘅波鞋都幾惡頂。年初開完Twins演唱會嘅阿Sa就認真識揀,着住對NMD排舞,仲話有肌肉酸痛都無有怕。其實女人唔使吓吓着高跟鞋,着波鞋一樣可以有型有款。

陳奕迅 徐濠縈 鴛鴦雙拼

咩叫走在潮流尖端?就要學吓陳奕迅咁,熱潮未嚟之前已經喺舊年年底搶閘先着,老婆徐濠縈見勢,亦跟風喺網上大晒NMD新波鞋(上圖),仲型到一次過着晒白色同黑色兩款,兩隻色各一隻cross over着,追上潮流仲要加啲心思,才可展現別具一格的品味!

周柏豪 男人玩意

買波鞋一向都係男人嘅玩意,無番對似樣啲嘅波鞋,又點對得住自己?本身已經係時裝品牌XPX老闆嘅周柏豪,梗係唔會畀自己落伍,一次過有齊三隻款式,仲要一鞋兩用,去打波又得,同Kary去jam歌(上圖)亦得!

Angelababy Running Girl

密密喺內地吸金賺人仔嘅Baby,近日由老家上海去廈門錄影內地綜藝節目《奔跑吧兄弟》,未出發已經喺機場着定對NMD跑鞋去應戰,唔通着咗之後真係會跑得快啲?