為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 03 月 26 日

拒再父女檔 徐榮想心怡做開心BB

徐榮愛女徐心怡年初加入處境劇《愛.回家》後,憑可愛包包面和甜美笑容贏盡觀眾及網民歡心,不過徐榮說父女檔拍劇只此一次,「今次是特別例子,之後不會,開開心心做返BB。」

心怡與爸爸徐榮訪問前一同影相,在爸爸懷抱中眼仔碌碌地啜着手指,見到媽媽及哥哥用玩具引她,即時面露笑容,認真萌爆!但只有五個多月大的「家好」經過近二十分鐘拍照時間後,似乎有點疲倦,徐榮抱着她接受訪問時不時嗌住「扭計」,要爸爸出手安撫才乖乖靜下來,父女互動十分溫馨。

心怡在爸爸懷抱中眼仔碌碌地啜着手指。

徐榮和徐心怡兩父女互動十分溫馨。

媽媽及哥哥用玩具引她,即時面露笑容,認真萌爆!

幾乎與「馬家好」劃上等號的心怡,年初在《愛.回家》亮相後深受眾人愛戴,同劇演員不時分享「集郵」合照。徐榮坦言是監製羅鎮岳在他社交網站見到心怡照片後,邀請她成為「馬家」一員,「初初我唔肯,因為我知道拍劇會好辛苦同好長時間,所以我拒絕咗。但佢開出咗個條件,如果可以借囡囡拍劇全部就哂佢,唔會超過三個鐘頭,每一個禮拜返一日,所有條件我覺得唔會令BB太辛苦 。」全靠監製羅鎮岳,我哋先有機會喺螢幕上見到心怡BB。

心怡BB加入成為「馬家」一員,即時引嚟好大迴響。

《愛.回家》一眾演員都非常喜愛心怡BB,更經常「集郵」合照。

心怡一劇成名,作為爸爸的徐榮說要多謝觀眾同網民的愛戴,但同時亦想不到女兒如此受歡迎。「因為佢嘅篇幅唔算多,出場時間唔算多。但佢每次出鏡好短時間已經有好大迴響,我估唔到。」新一輯《愛.回家》去年播出後收視未如理想,劇中「馬家」演員年初「回歸」,加上「家好」登場後收視略為回升,徐榮認為收視同之前無太大分別,只是囡囡參與的話題性較大。

心怡人氣急升,是否讓她成為童星令徐榮感到很矛盾,因為拍劇時間長,擔心女兒辛苦和影響學業,「今次只拍兩三個月,通告和流程都就晒佢,要其他演員等,所以等她長大識諗讓她自己決定。」

另外,徐榮亦否認心怡一集劇酬三千元的傳聞:「我想澄清唔係,我從來都冇講過,佢同普通小朋友一樣價錢。」

徐榮愛鍚囡囡,擔心女兒辛苦,所以拍完《愛.回家》後要暫時「息影」。

心怡BB出鏡後人氣急升,梗係啦,心怡BB咁可愛,想唔紅都難。