梅媽最緊要攝太歲
梅艷芳媽媽覃美金（梅媽），早輪又為咗生活費鬧上法庭。佢同法官喊住話：「個個月捱三萬蚊好辛苦」，所以要求生活費加碼，但係香港地，幾百萬人都冇三萬蚊個月，唔知嗰啲人點捱呢？呵？
九十二歲嘅梅媽，呢頭打官司，嗰頭就畀東姑發現，佢原來都幾迷信吓。喺九龍塘省善真堂，就見到佢同個孫「梅栢麟」聯名攝太歲嘅寶，盛惠一千蚊一年。無論生活幾艱難都好，求神呢家嘢，梅媽都唔會慳錢同慳時間嘅。
東姑喺省善真堂裏面，見到梅媽同孫仔梅栢麟聯名攝太歲嘅寶。
攝完太歲，又唔知梅媽贏唔贏到官司呢？不過，與其求神，東姑覺得佢不如放低心結，咁人應該更加精神爽利囉！
