為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2016 年 03 月 21 日

夏威夷豚聚 戴妮廷

正值旅遊淡季,出埠唔使同人逼,機票酒店又平一大截,唔玩等幾時?

攝影師戴妮廷近日到夏威夷出席好友婚禮,就順道留在當地遊玩,每日享受陽光與海灘,及品嘗豐富的海產美饌,行程當中最驚喜是可以落水與海豚一起暢泳,「我哋一齊游水,啲海豚好聰明,又聽話,仲同我kiss kiss,好開心!」

首次近距離接觸海豚的Eydie,面對超可愛又乖巧的海豚,忍不住要與牠咀番啖。

與海豚共舞

自一四年七月移居上海後,攝影師戴妮廷(Eydie)近年鮮有在港露面,但在工作以外,她仍經常周遊列國享受人生。近日,她與好友到夏威夷出席朋友的婚禮後,就順道在當地度假。「兩年前已經好想去夏威夷,不過當時工作太忙,所以冇時間。今次咁啱好朋友喺當地舉行婚禮,我同幾個朋友飛過去觀禮,乘機留喺當地玩。」

Eydie與海豚開心暢泳,她笑說:「今次嘅體驗真係令我畢生難忘。」

她在朋友的安排下,入住當地五星級的The Kahala Hotel & Resort,酒店飼養了數條海豚,可供住客作近距離的接觸。「我從來無諗過可以同海豚咁近,啲海豚住喺我間房下面,每日一打開個窗就會見到佢哋游來游去,真係好開心。我記得以前睇海豚只可以去海洋公園,就算去外國大型的水族館,都係要隔住塊玻璃睇,今次可以同佢哋一齊游水,又可以kiss佢哋,真係好開心。海豚好聰明,又乖,我跟訓練員學習畀指示佢哋,佢哋真係會跟住做,呢個體驗係呢次行程的亮點,我諗小朋友去到一定好開心。」

海豚乖乖停在她身旁,讓她摸吓牠的背拍照。