為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2016 年 03 月 21 日

五年抱四 陳浩民豪住二千呎大屋

有娛圈多仔公之稱的陳浩民,自一一年娶下內地女模蔣麗莎後,已誕下兩女一子,而佗住的第四胎也快將出世。

昔日愛玩爛飲的陳浩民,自成人父後修心養性,不時湊仔女返學及陪老婆買餸,更為搵奶粉錢而長期北上開工。由於家庭成員不斷增多,稍後細屋搬大屋,搬到逾二千呎共六房的相連單位,才夠六口子連四個外傭的大家庭住,就連座駕都要兩部才夠坐。

陳浩民五年抱四,還透露想追多個仔,絕對是娛圈多仔公。

第四個小朋友將於月底出生,大女和二仔都稱呼肚裏的B女做LuLu。

下年入伙

陳浩民五年抱四,生產力驚人,其實未為人父前「唔鍾意小朋友」,但現在卻一百八十度大轉變,「佢哋好好玩,好得意,小朋友每日都不同,不過我只係鍾意自己嗰啲,人哋嘅小朋友都係麻麻。」

他跟老婆蔣麗莎現育有兩女一子,大女陳雅薷、二仔陳璟逸和三女陳若嫣分別是四歲、兩歲半及十五個月大,而老婆正懷有九個多月身孕,將於今月底或四月初出世。由於大女和二仔正上幼稚園,陳浩民為方便他們返學而搬到九龍,但現時租住的千六呎單位,愈來愈不夠住,上年終斥資四千五百多萬買入同區的一個二千一百六十呎的相連單位。他謂︰「嚟緊新屋有六個房會好啲。」而蔣麗莎補充說︰「可能再生,想生多個仔。等肚裏面嘅B女出世後,要請陪月及多一個外傭。」不但屋唔夠大,車亦唔夠坐,陳浩民笑說︰「o依家帶三個細路出街好冒險,一架七人車有司機、三個外傭、三個細路,當中我哋手抱兩個,遲啲都要買多架車先夠。」

三個小朋友一齊浸浴,陳浩民要讓家人住得更舒服,稍後會搬大屋。