J.Arie笑住開槍射人下體

文詠珊、曾國祥、雷琛瑜（J.Arie）等人，分別為新片《兇手還未睡》、《老笠》出席發佈會。J.Arie表示在《老笠》中自己有些突破，問到是甚麼突破，她笑言：「我喺戲入面，做咗樣自己好開心嘅嘢，就係我可以揸槍，我都開咗七、八發子彈，射某個人嘅下體，我覺得呢個行為，對一個女仔嚟講，都幾瘋狂。」而提到J.Arie有份入圍金像獎最佳新演員，她坦言：「我都係盡力o架咋，因為環觀其他演員，佢哋本身有好深厚嘅演戲底子，對我嚟講《死開啲啦》係我第一部戲，完全係咩都唔識嘅一張白紙，拍嗰陣都係聽家棟同導演嘅指示去做。」