為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2016 年 03 月 18 日

戴耀廷「雷動計劃」 被批太天真

金庸筆下有個日日發夢想做武林共主岳不群,香港政壇亦有個港大法律系副教授戴耀廷,繼前年發起佔領運動失控收場後,近日又密謀爭做「泛民共主」,大力鼓吹他自創嘅「雷動計劃」,話可以幫泛民全取三十五個直選議席。呢個計劃係喺五區分別招攬一萬至兩萬名選民,要求佢地投票畀指定嘅泛民名單,令更多泛民候選人能夠掹車邊入局。

可惜,佢嘅構思被泛民政黨批評,同佔領運動一樣過份理想化。工黨李卓人一聽計劃名,已大嘆「個名改得麻麻地」,又指戴耀廷經常自以為是。「你叫本土派肯同你傾,都要理念相同至得,少一個來傾,效果已經爭好遠。」新民主同盟中人則形容戴耀廷「只本着善良意願去思考,但未免太天真」,他說:「建制配票機制很完善,有時都會甩轆,更何況泛民?佢篩出來嘅選民一定唔會聽你支笛。」

戴耀廷繼前年發起佔領運動後,近日又大力鼓吹「雷動計劃」,邀請各泛民團體協調九月嘅立法會大選。

泛民對「雷動計劃」彈多過讚,工黨的李卓人(左一)和新同盟范國威(右一)皆認為計劃難以執行。

民主黨負責選舉協調的中常委區諾軒亦唱淡,認為計劃「電阻」重重,恐怕雷未打動,就重蹈○四年新界東「鑽石名單」覆轍,配票失敗反而令泛民痛失議席。

佢又質疑,今屆泛民多個政黨進行「新舊將交替」,大家一心想扶植自己嘅第二梯隊接棒,仲邊有餘力參與協調?「參與者會問,點解要聽你協調?其他無參加協調嘅團體,就可以喺較少名單競爭下參選?」

中大政治與行政學系高級講師蔡子強亦認同,雷動計劃只係紙上談兵,係不合符現實嘅空中樓閣。「本身要政黨願意為了所謂大局,犧牲黨友的出選機會,已經同與虎謀皮一樣咁難。你仲要叫本身想投本土派的選民,受你支配投畀民主黨、工黨等泛民,我睇他們睬你都傻。」他笑說。

雖然泛民個個唔睇好,但戴耀廷仍密鑼緊鼓約見泛民,計劃五月舉行初選,擬定喺港島、九西各出四張名單,新界東、西各定六張,九龍東則派三張,再喺七月一日發起誓師,但工黨、民主黨、民協、新同盟都異口同聲話:「講就容易!」

戴耀延策動嘅「和平佔領」運動,最終流血收場,而今次嘅「雷動計劃」亦被批評貫徹咗戴耀廷過於理想化嘅特色。