為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2016 年 03 月 15 日

關慧玲

《東周刊》社長兼總編輯。

在中環跳落水

特首梁振英有個夢想,就是在中環IFC一帶建個現代化泳棚,午飯後可以游二十分鐘水。此論一出,中環人即時起哄,近日酒會碰到,大家都多了一個熱話,雖然網上訕笑的多,但不少中環人卻在認真討論是否可行。

中環打工仔午間難搵食,大部分都堆在同一個小時內搭落街,自然去到邊都要排長龍。排得隊來食完點都要花上四十五分鐘,食完最多散個步,一小時真係僅僅夠。

游水唔同跑步,之前之後換衫沖身吹頭的工夫十分繁複,尤其要化妝的女士,多數都話興趣唔大,不會在見客與開會之間搞亂自己行頭,男士簡單一點,不過真要游水,就要放棄食飯,或者游完水至食;食完飯即刻落水並不健康。

某專業才俊便話,公司容許他們食個半小時飯,不少同事都會做各式各樣嘅活動,有的去做Gym,有的做Facial,有的去剪髮,有些人甚至去學四十五分鐘瑜伽,不過要爭取做這些公餘活動,飯就不能吃得太奢侈,多數自己帶飯或三文治頂肚就算,也不可能日日做。

如何善用午間一小時?有的公司放飯較有彈性,打工仔就多些選擇。

特首的落水建議放在午飯時間,自然未必人人用到,但如果在放工後、假期中,不失為一個唔錯的休閒活動。尤其假日中環較少人,到時可能太太仔女去行街,丈夫就游住水等;維港景色世界聞名,也應該受遊客歡迎。

香港尚未有太多公共泳池的年代,就曾有多個泳棚,如西環泳棚、摩星嶺泳棚等,不過設施簡陋,未必合現代打工仔使用。

維港泳在香港其實有好長歴史,一九○六年便已有,當時由尖沙咀碼頭游到中環皇后碼頭,全長一點六公里。四一年香港淪陷以致停辦,至四七年才恢復,七八年時受尖沙咀火車站拆卸工程影響水質停辦。直至一○年才由新世界贊助復辦,不過上落水地點改咗去鯉魚門至鰂魚涌。

維港水道繁忙,要同時搞成休閒設施並不容易,不過政府如果真係想做,必會優先處理維港水質問題,到時就算唔夠時間游水,在岸邊吃個飯盒也不會被臭味影響食慾,也很不錯。