應采兒女扮男似小春
有好多人都話一對夫妻如果對得多，個樣會自自然然變得以樣，好似應采兒(丁丁)同陳小春咁，就有人話佢哋愈嚟愈有夫妻相。應采兒同小春結婚六年，兩公婆仍然保持熱戀期，不時上載恩愛溫馨相到社交網站，晒愛畀大家睇，而今日(三月十四日)應采兒更貼出多張自拍照，留言：「如果我是男的……比我老公帥多了」應采兒女扮男look靚過小春，相信唔會有人唔認同，不過好多網友就話覺得應采兒有幾個表情就同小春一樣，眼神都似足個老公，讚佢哋有夫妻相咁話。
應采兒可能對得小春多，眼神同表情都十分相似。
